ЁШЛАРГА ТАДБИРКОРЛИК АСОСЛАРИ БЎЙИЧА ТУШУНЧАЛАР БЕРИЛИБ, КЎНИКМАЛАР ШАКЛЛАНТИРИЛМОҚДА
Мамлакатимизда ёш авлоднинг соғлом ва баркамол бўлиб вояга етиши, меҳнатсерварлик фазилатларининг шаклланиши жамиятимиз ривожланишида муҳим ўрин эгаллайди.
Ўзбекистон Республикаси Президентининг 2020 йил 29 декабрдаги Мурожаатномасида ўғил-қизларни меҳнат бозорида талаб юқори бўлган замонавий касб-ҳунарларга ўргатиш, уларда тадбиркорлик кўникмалари ва меҳнатсеварлик фазилатларини шакллантириш ҳамда ташаббусларини рўёбга чиқариш, иш ва уй-жой билан таъминлашга устувор аҳамият қаратиш лозимлиги таъкидлаб ўтилган. Шунингдек, ёшларни тадбиркорликка жалб этиш, уларда бизнесни юритиш, тадбиркорлик билан шуғулланиш кўникмаларини шакллантириш муҳим вазифа қилиб берилган.
Жорий йилнинг 1 февралидан бошлаб, Амударё тумани Давлат хизматлари маркази томонидан ёшларда тадбиркорлик кўникмаларини шакллантириш мақсадида тумандаги умумий ўрта таълим мактабларининг битирувчиларига “Тадбиркорлик асослари” фани ўқитилмоқда.
Бугунги кунда бир қанча мактабларда ёшларга “Тадбиркорлик субьектлари ва уларнинг турлари”, тадбиркорлик субьектларини давлат рўйхатидан ўтказиш ва қайта рўйхатдан ўтказиш тартиби”, “Оилавий корхонанинг афзалликлари” ва “Ягона интерактив давлат хизматлари порталидан (my.gov.uz) фойдаланиш қоидалари” ҳақида ўқув дарслари ўтказилиб, ушбу жараёнлар слайдлар, роликлар ва тайёрланган буклетлар орқали тушунтирилиб борилмоқда.
“Ҳар бир тадбиркор - ёшларга мададкор” ташаббусини қўллаб-қувватлаш мақсадида тумандаги 82-сонли умумий ўрта таълим мактабида ёшлар орасида бизнес ва тадбиркорлик соҳасида зарур билим ва кўникмаларни ошириш учун ўқув-семинар ўтказилди. Семинар давомида ёшларга тадбиркорликни бошлаш, давлат рўйхатидан ўтказиш тартиблари, тадбиркорлик билан шуғулланиш ҳуқуқлари, бизнес режаларнинг тайёрланиши ва мазмун моҳияти ҳақида ҳуқуқий тушунтиришлар бериб ўтилди.
Ёшларга берилаётган тушунчалар, шакллантирилаётган тадбиркорлик кўникмалари келажакда замонавий билим ва тажрибаларга эга авлоднинг, фаол тадбиркорларнинг етишиб чиқишига замин яратади.
Умида Сапарбаева, туман Давлат хизматлари маркази бўлим бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
