СЕКТОРЛАР КЕСИМИДА “СПОРТНИ СЕВ, СПОРТ БИЛАН ЯША!” ШИОРИ ОСТИДА МАҲАЛЛАЛАРАРО СПОРТ МУСОБАҚАЛАРИ ЎТКАЗИЛДИ

Шу кунларда тумандаги барча фуқаролар йиғинлари ўртасида секторлар кесимида “Спортни сев, спорт билан яша!” шиори остида 9 йўналишда спорт мусобақалари ўтказилмоқда.
Туман спорт бўлими билан биргаликда режавий жадвал асосида 11-18 февраль кунлари ҳудудий босқичлар ва 22-27 февраль кунлари эса туман босқичи ўтказилиши белгиланди. Бу мусобақаларда барча ёшдаги қизиқувчилар, яъни 7 ёшдан 70 ёшгача бўлган юртдошларимиз иштирок қилишлари мумкинлиги айтилиб, барча ҳудудлардаги аҳолига етказилди.
Жорий йилнинг 11 февраль куни спортнинг шашка ва шаҳмат тури бўйича 4 та сектор ҳудудидаги маҳаллалар ўртасида мусобақанинг ҳудудий босқичи ўтказилди. Мусобақа ҳар иккала тур бўйича ҳам 1-сектордан Ойбек номли МФЙ, 2-сектордан Фаровон МФЙ, 3-сектордан Дурунки МФЙ, 4-сектордан ҳам ҳар иккила тур бўйича Қангли ОФЙ жамоалари ғолибликни қўлга киритишиб, туман босқичига йўлланма олдилар.
12 февраль куни эса спортнинг мини футбол тури бўйича 4 та сектор ҳудудидаги маҳаллалар ўртасида мусобақанинг ҳудудий босқичи ўтказилди. Мусобақа якунида 1-сектордан Тўлқин ОФЙ, 2-сектордан Холимбег ОФЙ, 3-сектордан Куюк кўпир ОФЙ, 4-сектордан Чордара МФЙ жамоалари ғолиб бўлишиб, туман босқичига йўлланмани қўлга киритишди.
13 февраль санасида спортнинг волейбол тури бўйича 4 та сектор ҳудудидаги маҳаллалар ўртасида ўзаро ҳудудий босқич беллашувлари ўтказилди. Қизғин ва дўстона вазиятда ўтган мусобақалар якунида 1-сектордан ўғил болалар ўртасида Дарё бўйи МФЙ, қизлар ўртасида Тўлқин ОФЙ, 2-сектордан ўғил болалар ўртасида Фаровон МФЙ, қизлар ўртасида Хизр эли МФЙ, 3-сектордан ўғил болалар ўртасида Куюк кўпир ОФЙ, 4-сектордан Чордара МФЙ жамоалари ғолиб бўлишиб, туман босқичига йўлланмани қўлга киритишди.
15 февраль куни спортнинг баскетбол тури бўйича 4 та сектор ҳудудидаги маҳаллалар ўртасида ўзаро ҳудудий босқич мусобақалари янада қизиқарли бўлди. Унда 1-сектордан ўғил болалар ва қизлар ўртасида Тўлқин ОФЙ, 2-сектордан ўғил болалар ўртасида Арна бўйи МФЙ, қизлар ўртасида Хизр эли МФЙ, 3-сектордан ўғил болалар ўртасида Оқ олтин ОФЙ, қизлар ўртасида Куюк кўпир ОФЙ, 4-сектордан ўғил болалар ва қизлар ўртасида Намуна МФЙ жамоалари ғолибликни қўлга киришиб, туман босқичига йўлланма олдилар.
16 февраль куни спортнинг стол тенниси тури бўйича ҳудудий босқич мусобақалари ўтказилди. Мусобақа якунига кўра, 1-сектордан ўғил болалар ўртасида Тўлқин ОФЙ, қизлар ўртасида Қипчоқ ОФЙ, 2-сектордан ўғил болалар ўртасида Янгиобод МФЙ, қизлар ўртасида Арна бўйи МФЙ, 3-сектордан ўғил болалар ва қизлар ўртасида Бой овул МФЙ, 4-сектордан ўғил болалар ва қизлар ўртасида Навоий МФЙ жамоалари ғолиб бўлишди ва туман босқичига йўлланмани қўлга киритишди.

Шуни алоҳида эътироф этиш керакки, секторлар кесимида ўтказилган мазкур спорт мусобақаларида Чойкўл, Қиличбой, Дўрман, А.Темур номли, Хитой, Бўзёп, Тошёп, Ўрта қалъа, Бобур номли, Назархон ОФЙлари, Жумуртов ва Қипчоқ ШФЙларида спорт-соғломлаштириш ишлари қониқарсиз эканлиги маълум бўлди. Шунингдек, А.Навоий номли, Бойовул, Янгиобод, Намуна, Хизр эли, Арна бўйи, Дарё бўйи, Фаровон, Чордара, Дурунки каби маҳалла фуқаролар йиғинларидан ташқари барча МФЙ ва ШФЙларда аҳолини спорт-соғломлаштириш ишларига жалб этиш, айниқса, ёшлар, болалар спортини ривожлантиришга эътибор сустлиги аён бўлди. Чунки юқорида номлари қайд этилган ОФЙ ва МФЙлардан ташқари, номлари тилга олинмаган маҳаллалар вакиллари бўлиб ўтган мусобақаларда иштирок этишмади ва иштирок этганлари эса бирон бир натижага эришмадилар. Бу ачинарли ҳол, албатта.
Лекин шуни мамнуният билан таъкидлаш жоизки, 1-сектор ҳудудидаги Тўлқин ОФЙ спортчилари мусобақаларнинг барча йўналишларида ғолиблик шоҳсупасидан жой олишиб, мусобақа иштирокчиларининг олқишларига сазовор бўлишди.
Бўлиб ўтган мусобақалар болалар ва ёшлар ҳамда катталар, шунингдек, оилавий спортчилар сафини янада ошириш, аҳоли саломатлигини мустаҳкамлашга қаратилгани билан аҳамиятлидир.

Робия ЙЎЛДОШЕВА.