ҚОРАҚАЛПОҒИСТОН РЕСПУБЛИКАСИ ВАЗИРЛАР КЕНГАШИ РАИСИ ЁШЛАР БИЛАН УЧРАШДИ
29 март куни Амударё туманида Вазирлар Кенгаши раиси ҳамда вазирларнинг ёшлар билан учрашуви ўтказилди.
Очиқ мулоқот тарзида ўтказилган учрашувда Вазирлар Кенгаши раиси Қаҳрамон Сариев, Ёшлар ишлари агентлиги Қорақалпоғистон Республикаси бошқармаси бошлиғи Абат Данияров, Ўзбекистон Республикаси Қишлоқ хўжалиги вазири ўринбосари Алишер Тўраев, Ўзбекистон Республикаси Марказий банки раиси ўринбосари Айюбхон Камалов, Давлат Статистика қўмитаси раиси ўринбосари Маҳмуджон Зиядуллаевлар иштирок этиб, ёшлар билан уларнинг қизиқишлари, муаммолари, таклиф ва истаклари ҳақида суҳбатлашдилар.
Республика миқёсида ташкил этилган ушбу учрашувда турли туманлардан келган 110 нафар ёшлар билан бирга турли ташкилот ва муассасаларнинг масъул раҳбарлари ҳам қатнашишди.
Учрашув муносабати билан ўтказилган йиғилишни Ёшлар ишлари агентлиги Қорақалпоғистон Республикаси бошқармаси бошлиғи Абат Данияров очиб берди ва олиб борди. Йиғилишда Вазирлар Кенгаши раиси Қаҳрамон Сариев Президентимиз томонидан 2020 йилнинг 25 декабрь куни мамлакатимиз ёшлари билан бўлиб ўтган учрашувда ҳамда жорий йилнинг 27 январь куни ёшлар бандлигини таъминлаш ва уларнинг бўш вақтларини мазмунли ташкил этишга оид чора-тадбирларга бағишлаб ўтказилган йиғилишда берилган топшириқлар ижросини таъминлаш борасида амалга оширилаётган ишлар хусусида сўз юритди. Шунингдек, жорий йилнинг “Ёшларни қўллаб-қувватлаш ва аҳоли саломатлигини мустаҳкамлаш” йили деб эълон қилинганлиги боис мазкур соҳаларда Амударё туманида олиб борилаётган қатор самарали ишлар, хусусан, “Ёшлар дафтари”ни юритиш бўйича дастлаб намуна тариқасида Нукус шаҳри ва Беруний туманларида, кейинчалик Қорақалпоғистон Республикасининг барча туманларида йўлга қўйиладиган ёшларни хатловдан ўтказиш ишлари хусусида кенг тўхталди.
Вазирлар Кенгаши раиси ушбу хатлов ишлари 461 та овул ва маҳалла фуқаролар йиғинида ўтказилганлиги, шунга кўра 406 минг нафардан зиёд ёшлар ўрганиб чиқилганлиги, ўрганиш якунлари бўйича “Ёшлар дафтари”га 47 минг нафардан зиёд ёшлар киритилганлиги тўғрисида батафсил маълумот бериб ўтди. Ундан ташқари, “Ёшлар дафтари”га киритилган барча ёшларнинг йўналишлар кесимида бандлигини таъминлаш ва ижтимоий муаммоларини ечиш бўйича амалга оширилаётган ишлар ҳақида ҳам сўзлади.
Ўзбекистон Республикаси Марказий банки раиси ўринбосари Айюбхон Камалов ҳам йиғилиш давомида жойларда ёшларни тадбиркорликка кенг жалб қилиш борасида самарали ишлар олиб борилаётганини таъкидлади. Шунингдек, “Ёшлар: 1+1” дастури доирасида ёшларни тадбиркорликка кенг жалб қилиш мақсадида ўқув курслари ташкил қилинаётгани, ўқув курсларини тамомлаган ёшларга ҳафта охирида сертификатлар тақдим этилаётганини айтиб ўтди. Ушбу сертификатлар асосида эса деҳқончилик қилиш учун ер ва тадбиркорлик қилиш учун кредитлар ажратилаётгани ҳақида гапириб, кредит олиш тартиби ҳақида батафсил тушунчалар берди.
Шундан сўнг, ёшлар билан очиқ мулоқот тарзида суҳбат ўтказилди. Очиқ мулоқотда ёшлар томонидан 22 та мурожаатлар қабул қилинди. Мурожаатлар асосан кредит, ўз мутахассислиги бўйича ишга жойлашиш, чекка ҳудудларда IELTS га тайёргарлик бўйича махсус курслар ташкил этиш, вақтинча вазир бўлиш, ёш олимлар клубини ташкил этиш, касб-ҳунар ўргатиш курсларини чекка ҳудудларда ҳам ташкил этиш бўйича қабул қилинди. Шунингдек, субцидия асосида иссиқхона қуриб бериш, Ёшлар кичик саноат зонасини ташкил этиш, балиқчиликни ривожлантириш учун ер майдонини ажратиб бериш каби масалаларда ҳам мурожаатлар келиб тушди. Ушбу мурожаатларнинг айримлари жойида ҳал этилди. Ўрганиш ва муддат талаб этиладиган мурожаатлар эса тегишлилиги бўйича масъулларга топширилди. Кредит олиш, бандликни таъминлаш бўйича берилган мурожаатларнинг айримларига тегишли масъуллар кўмагида шу вақтнинг ўзида ечим топилиб берилди. Шунингдек, субсидия асосида Чордара маҳалласида яшовчи Бахтжон Бозорбоевга иссиқхона қуриб берилди.
Йиғилиш якунида Вазирлар Кенгаши раисининг тегишли соҳа ўринбосарларига барча мурожаатларни тегишлилиги бўйича ўрганиш, ижобий ҳал этиш бўйича қатъий топшириқлар берилди ва ижроси назоратга олинди.
О. Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
