НОҲАҚ ИШДАН БЎШАТИЛГАН ХОДИМ СУД ТОМОНИДАН ИШГА ҚАЙТА ТИКЛАНДИ
Ишга қайта тиклаш, ноилождан қилган прогули учун ҳақ ундириш каби меҳнат низоларга боғлиқ ишлар даъвогарларнинг аризаларига асосан ва амалдаги қонунлар билан белгиланган бошқа ҳолатларда бевосита судда кўрилади.
Шу йил 9 март куни Фуқаролик ишлар бўйича туман суди томонидан даъвогар Ж. исмли шахснинг ишга тиклаш, мажбурий прогул вақти учун иш ҳақи ва 5 млн. сўм маънавий зарар ундириш ҳақидаги даъво аризаси кўриб чиқилди.
Маълумки, Ўзбекистон Республикаси Олий суди Пленумининг “Судлар томонидан меҳнат шартномаси (контракти)ни бекор қилишни тартибга солувчи қонунларнинг қўлланилиши ҳақида”ги 12-сонли Қарорининг 42-бандида Меҳнат шартномаси МК 100-моддаси 2-қисмининг 1,2 ва 6-бандлари, шунингдек 106-моддасининг 2-банди асосида бекор қилинаётганда иш берувчи ходимни шу корхонанинг ўзида ишга жойлаштириш чораларини кўришга мажбур, деб кўрсатилган. Агар ходим малакаси етарли бўлмаганлиги учун бажараётган ишига нолойиқ деб топилганлиги сабабли МК 100-моддаси 2-қисмининг 2-бандига кўра меҳнат шартномаси бекор қилинаётган бўлса, унга мутахассислиги бўйича камроқ малакали иш таклиф этилиши, у ҳам мавжуд бўлмаса, корхонада мавжуд бўлган камроқ малакали бошқа иш таклиф этилади.
Суд давомида даъвогарнинг ноҳақ ишдан бўшатилгани тегишли ҳужжатлар ва бошқа далиллар ёрдамида ўз исботини топди.
Суд қарорига кўра ноҳақ ишдан бўшатилган ходим ўз ўрнига қайта тикланиб, адолат қарор топди.
Қ. Атамуродов, Фуқаролик ишлари бўйича туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
