Сайлов қонунчилиги масалаларига бағишланган матбуот анжумани ўтказилди

Мамлакатимизда жорий йил 24 октябр санасида ўтказиладиган Ўзбекистон Республикаси Президенти сайловига муносиб тайёргарлик кўрилиб, уни демократик тамойилларга ва халқаро стандартларга мос тарзда ўтказиш борасида самарали ишлар олиб борилмоқда.

Жойларда оммавий ахборот воситалари вакиллари, журналист ва блогерлар иштирокида сайлов қонунчилиги, Президент сайлови жараёнига тайёргарлик масалалрига бағишланган матбуот анжуманлари, давра суҳбатлари, очиқ мулоқотлар, турли учрашувлар ташкил этилиб, бу борада очиқлик ва ошкоралик таъминланишига алоҳида эътибор қаратилмоқда.

19 октябр куни Амударё тумани ҳокимлигининг маслислар залида туманда Ўзбекистон Республикаси Преизденти сайловини ўтказиш борасида амалга оширилган ишлар ҳамда сайлов қонунчилиги масалаларига бағишланган матбуот анжумани ўтказилди. Туман ҳокимлигининг Ахборот хизмати ташаббуси билан ташкил этилган матбуот анжуманида туман ҳокимининг жамоатчилик билан ишлаш бўйича маслаҳатчиси Ҳамро Йўлдашев туманда Президент сайлови жараёнига тайёргарлик борасида олиб борилган ишлар тўғрисида маълумот берди.

Таъкидланишича, туманда Ўзбекистон Республикаси Президенти сайловини муносиб ўтказиш борасида самарали ишлар амалга оширилиб, айни пайтда тумандаги барча 64 та сайлов участкалари сайлов жараёнига тайёр ҳолатга келтирилган.

Сайлов участкалари жойлашган ҳудудлардаги сайловчилар рўйхати шакллантирилиб, бу борада участка сайлов комиссиялари раиси, ўринбосари, котиблари томонидан тизимли ишлар амалга оширилмоқда. Участка сайлов комиссиялари сайловчилар сонига қараб 11-15 нафар аъзодан иборат таркиби шакллантирилган.

1-сектор таркибидаги 12 та фуқаролар йиғинлари ҳудудида 16 та, 2-сектор таркибига кирувчи 17 та фуқаролар йиғинлари ҳудудида 21 та, 3-сектор ҳудудидаги 12 та фуқаролар йиғинлари ҳудудида 18 та, 4-сектор таркибидаги 8 та фуқаролар йиғини ҳудудида 9 та сайлов участкаларида участка сайлов комиссиялари шакллантирилган бўлиб, уларнинг самарали фаолият олиб боришлари учун барча шарт-шароитлар яратилган.

Шундан сўнг туман Адлия бўлими бошлиғи Мўминжон Матюсупов Президент сайловини ўтказиш бўйича қонунчиликда кўрсатилган тартиб-тамойиллар юзасидан маълумотлар келтирди.

Қайд этилганидек, туманда Ўзбекистон Республикаси Президенти сайловини ўтказиш борасида ташкил этилган участка сайлов комиссиялари раиси, ўринбосари ва котибларининг сайлов қонунчилиги юзасидан билим, кўникма ва малакаларини янада ошириш мақсадида ҳудудий тренерлар томонидан қатор ўқув-семинарлари ташкил этилган.

Ўқув-семинарлар турли кўринишда, яъни маъруза, тақдимот, кўргазмали тарзда ташкил этилиб, уларда янги қабул қилинган Сайлов кодекси мазмун-моҳияти, Президент сайловини ўтказиш борасида амалга оширилиши лозим бўлган ишлар хусусида кенг турда тушунтиришлар бериб борилган.

Очиқ мулоқот қизғин тарзда ўтди. Мулоқот жараёнида масъуллар оммавий ахборот воситалари вакиллари томонидан берилган саволларга аниқ жавоблар бердилар.

Туман ҳокимлигининг Ахборот хизмати.