Халқ депутатлари Амударё туман Кенгашининг 42-сессияси тўғрисида АХБОРОТ
2021 йил 15 декабрь куни Халқ депутатлари Амударё туман Кенгашининг навбатдаги – 42-сессияси бўлиб ўтди.
Сессия мажлисида туман Кенгаши депутатлари, ҳоким ўринбосарлари, ҳокимлик масъул ходимлари, бўлимлар, фуқароларнинг ўзини ўзи бошқариш органлари раислари ҳамда оммавий ахборот воситалари вакиллари иштирок этди.
Сессия котиблигига 8-Бўстон сайлов округидан депутат Махсуд Садуллаев сайланди.
Сессия кун тартибига “Ўзбекистон Республикаси Президентининг 2021 йил 23 ноябрдаги 20-сонли қарори ижроси тўғрисида”ги ҳамда “Амударё тумани халқ таълими бўлимига қарашли мактабларда бўш (вакант) директор лавозимига ўтказилган танлов якунлари бўйича номзодга келишим бериш тўғрисида”ги масалалар киритилди.
Сессия кун тартибидаги биринчи масала бўйича туман фермер, деҳқон хўжаликлари ва томорқа ер эгалари Кенгаши раиси Илхом Палванов ҳисобот берди.
Ҳисоботда таъкидланганидек, Ўзбекистон Республикаси Президентининг 2021 йил 23 ноябрдаги 20-сонли қарорига асосан фермер хўжаликлари ва кластерлар фойдаланишидаги паст ҳосилли пахта ва ғалла экинларидан қисқартирилган ерлар ҳисобидан жами 2242 гектар ер майдони фуқароларга 10 сотихдан 1 гектаргача бўлган ўлчамда очиқ электрон танлов орқали ижара ҳуқуқи асосида берилиши белгиланган. 2022 йилда 897 гектар ер майдонини шундай тартибда ажратиш кўзда тутилган.
Ҳисоботда қишлоқ хўжалигида ишлаб чиқарувчиларини янада қўллаб-қувватлаш, фермер, деҳқон хўжаликлари ва томорқа экин майдонларидан фойдаланиш самарадорлигини таъминлаш, пировард натижада ер эгаларининг даромадларини кўпайтириш бўйича амалга оширилаётган ишлар хусусида кенг турда маълумотлар берилди.
Сессияда Қорақалпоғистон Республикаси халқ таълими вазирлиги томонидан тумандаги 3-, 7-, 11-сонли мактаблар директорлиги лавозимига ўтказилган танлов якунлари бўйича тавсия қилинган номзодларга келишим бериш масаласи ҳам кўриб чиқилди.
Депутатлар 3-сонли мактаби директори лавозимига номзод Жеткербай Ибрагимов, 7-сонли мактаби директори лавозимига номзод Атабек Хидирбаев ва 11-сонли мактаби директори лавозимига номзод Улуғбек Мамутовларнинг келгуси 3 йилда амалга оширадиган ишлари бўйича дастурлари билан танишдилар.
Сўнгра депутатлар орасидан саноқ комиссияси аъзолари сайланиб, очиқ овоз бериш натижаларига кўра 3-сонли умумий ўрта таълим мактаби директори лавозимига Жеткербай Ибрагимовни, 7-сонли умумий ўрта таълим мактаби директори лавозимига Атабек Хидирбоевни, 11-сонли умумий ўрта таълим мактаби директори лавозимига Улуғбек Мамутовни тайинлаш тўғрисидаги тавсияларга келишим бериш ҳақида халқ депутатлари туман Кенгашининг қарори қабул қилинди.
Сессия кун тартибига киритилган масалалар атрофлича кўриб чиқилди ва тегишли қарорлар қабул қилиниб, шунинг билан сессия ўз ишини якунлади.
Туман ҳокимлигининг ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
