ИДОРАЛАРАРО МУВОФИҚЛАШТИРУВЧИ КЕНГАШ ЙИҒИЛИШИ БЎЛИБ ЎТДИ
28 январь куни Амударё тумани ҳокимлигининг мажлислар залида 2021 йил давомида қонунийликни мустаҳкамлаш, фуқароларнинг ҳуқуқ ва эркинликларини муҳофаза қилиш, жиноятчилик ҳамда ҳуқуқбузарликларнинг олдини олиш аҳолининг яшаш шароитини яхшилаш, маҳаллаларда олиб борилган ислоҳотлар, туманни иқтисодий-ижтимоий ривожлантириш борасида амалга оширилган ишлар борасида мувофиқлаштирувчи Кенгаш йиғилиши бўлиб ўтди.
Мажлисда туман прокурори Жавлонбек Муфтуллаев, туман ҳуқуқни муҳофаза қилувчи ҳамда назорат органлари ходимлари, туман ҳокими ўринбосарлари, тегишли ташкилот раҳбарлари, маҳалла фуқаролари йиғинлари раислари, ҳамда оммавий ахборот воситалари вакиллари иштирок этдилар.
Йиғилишда туман прокурори Жавлонбек Муфтуллаевнинг маърузаси тингланди.
Туман прокурори томонидан туман Давлат солиқ инспекцияси, туман инвеститциялар бўйича бўлими, Тиббиёт бирлашмаси, Ички ишлар бўлими, Маҳалла ва оилани қўллаб-қувватлаш бўлими, Мажбурий ижро бюроси ҳамда молия-иқтисодиёт ва камбағалликни қисқартириш бўлимлари томонидан амалга оширилган ишлар таҳлил қилинди.
Йиғилишда мутасадди раҳбарлар томонидан йўл қўйилган камчиликлар қайд этиб ўтилди ҳамда бўлим раҳбарлари томонидан ушбу ҳолатларга изоҳлар берилди.
Туман Ички ишлар бўлими бошлиғи Улуғбек Худойбергановнинг таъкидлашича, ҳуқуқбузарлик ҳолатларининг олдини олиш учун аввало, маҳаллаларда олиб борилаётган профилактика ишларининг самарадорлигини ошириш зарур. Шунингдек, ҳуқуқбузарлик ҳолатларининг кўпчилигини ўзаро жанжал, ҳақорат, туҳмат, енгил тан жароҳати етказиш кабилар ташкил қилиб бу борада маҳалла ва овул фуқаролар йиғинлари раисларининг оила, хотин-қизлар ва ижтимоий-маънавий масалалар бўйича ўринбосарларининг фаоллигини янада ошириш лозимлиги қайд этилди.
Туман Ички ишлар бўлими бошлиғининг ўринбосари, майор Мухтор Раҳматуллаев эса 2021 йил давомида ички ишлар органлари томонидан аниқланган жиноят турлари, ҳуқуқбузарлик профилактикаси бўйича амалга оширилган тадбирларнинг аҳамияти хусусида ўз фикрларини баён қилди.
Шунингдек йиғилишда туман Маҳалла ва оилани қўллаб-қувватлаш бўлими бошлиғи ўринбосари Бахадир Балтабаевнинг ҳам мазкур масала юзасидан билдирган фикрлари тингланди. Қайд этилганидек, Амударё туманининг ҳар бир овул ва маҳалла фуқаролар йиғинларида маҳаллабай ишлаш тизими йўлга қўйилган бўлиб, бу тизим мураккаб жараён бўлишига қарамасдан, ўз навбатида, сиёсий чақирув ҳам ҳисобланиши, унга кўра ижтимоий-иқтисодий реформалар, ички ва ташқи ресурслар ҳисобига амалга ошириладиган лойиҳалар, турли идора ва ташкилотларнинг “фаолият йўлаклари” маҳаллалар кесимида ташкил этилиши таъкидланди.
Йиғилишда барча муассаса, идора-ташкилотлар фаолиятларининг очиқлиги ва шаффофлигини таъминлаш, уларнинг халқ олдида ҳисобдорлигини ошириш, жамиятда қонун устуворлигини таъминлаш, жиноят ва ҳуқуқбузарликларнинг оқибатлари билан курашиш эмас, балки улар содир этилишидан аввал олдини олиш, тадбиркорликка кенг йўл очиш, соҳада юзага келаётган тўсиқларга нисбатан муросасиз муносабатда бўлиш ҳар бир ташкилот раҳбарининг муҳим вазифаси экани қайд этилди.
Туман ҳокимлигининг ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
