Сектор раҳбарияти томонидан 7 нафар фуқарога жўжа чиқаришга мўлжалланган инкубаторлар берилди

Халқ билан мулоқот қилиш, жойлардаги мавжуд муаммоларни маҳаллабай, хонадонбай ўрганиш орқали одамларни қийнаётган масалаларга ечим топиш, ўзаро ҳамжиҳатлик асосида ҳудудларни ривожлантириш, аҳоли яшаш ҳудудлари инфратузулмаларни яхшилаш, оилавий тадбиркорлик ва кичик бизнесга қулай шароитлар яратиш каби кенг кўламли ишларни амалга оширишда секторлар раҳбарлари самарали тарза фаолият олиб боришмоқда.

7 февраль куни Амударё туманининг 4-сектори раҳбари Айдос Сейитов томонидан ўз худудидаги аҳоли яшаш шароитлари ўрганилиб, тадбиркорлик қилиш истагидаги фуқаролар билан суҳбат ўтказилди.

Фуқароларнинг истак ва мурожаатлари инобатга олиниб, cектор раҳбари ҳамда сектор ҳудудида фаолият юритаётган фермерлар томонидан тадбиркорлик қилиш истагидаги 7 нафар фуқарога 500 та жўжа чиқаришга мўлжалланган инкубаторлар берилди.

Ўзбекистон Республикаси Президентининг “Тадбиркорлик фаолияти ва ўзини ўзи банд қилишни давлат томонидан тартибга солишни соддалаштириш чора тадбирлари тўғририда”ги қарорида ўзини ўзи банд қилган шахсларнинг меҳнат фаолияти натижасида олинган даромадлари жисмоний шахсларнинг жами даромадлари таркибига киритилмаслиги белгилаб берилган.

Мазкур қарорда ўзини ўзи банд қиладиган шахслар учун хизмат ва фаолият турларининг 68 таси кўрсатилган бўлиб, шулардан бири − Фермер хўжаликлари эгалари буюртмаси бўйича қишлоқ хўжалиги ишларини йўлга қўйиш хизмат тури ҳисобланади.

Шу мақсадда, Қангли овулида яшовчи Хурсандбек Турғанбаев, Озода Матризаева, Феруза Жаббарова, Гулнора Қўчқорова, шунингдек, Қум ёп маҳалласида яшовчи Сайёра Ражапова, Сарвар Матчанов, Давронбек Холмуратовлар ўзини-ўзи банд қилиб, тадбиркорлик фаолиятини йўлга қўйишмоқда.

Фуқаролар қарорда кўрсатилган тартибда рўйхатдан ўтказилиб, уларга гувоҳномалар расмийлаштирилиб берилди. Қолаверса ўз иш фаолиятини эндигина бошлаётган ушбу фуқароларга ҳуқуқий тушунтириш ва маслаҳатлар берилиб, фермерлар томонидан доимий равишда йўл-йўриқлар кўрсатиб турилиши маълум қилинди.

Шу ўринда айтиб ўтиш жоизки, Инсон қадрини улуғлаш ва фаол маҳалла йили деб номланган мазкур йилда маҳаллаларда иш бошлаган ҳоким ёрдамчилари ва ёшлар етакчилари сектор раҳбарлари билан ҳамкорликда ўз маҳалласи ҳудудидаги аҳолининг яшаш шароитини яхшилаш борасида тизимли ишларни бошлаб юборишган.

Сектор раҳбарлари ва ҳоким ёрдамчилари хонадонма-хонадон юриб, одамлар билан мулоқотда бўлиб фуқароларнинг ўз дарди, муаммоси, таклиф ва ташаббусини қўллаб-қувватлаётганлиги алоҳида диққатга сазовордир. Энг муҳими, туманимиз аҳолисининг ҳаётини яхшилаш, фаровонлигини оширишга доир амалий саъй-ҳаракатлар туфайли ислоҳотлар самараси халқимиз ҳаётида яққол намоён бўлмоқда.

Туман ҳокимлигининг ахборот хизмати