ИЖРО САМАРАДОРЛИГИНИ ОШИРИШ БОРАСИДА ҲАМКОРЛИК ЯНАДА КУЧАЙТИРИЛАДИ
Фуқаролик ишлари бўйича Амударё туман суди, Мажбурий ижро бюроси туман бўлими масъуллари, давлат ижрочилари иштирокида ўтказилган семинар давомида иш юритишда “E-XSUD” тизими ва “MIB Portal” дастури орқали маълумотлар алмашинувини янада такомиллаштириш, ҳамкорликни мустаҳкамлаш, хато-камчиликларни бартараф қилиб бориш каби масалалар муҳокама этилган эди. Шунга кўра, Мажбурий ижро бюроси туман бўлими томонидан ўтган даврда амалга оширилган ишлар муҳокама этилиб, келгусида суд ҳужжатларининг ижросини қонуний муддатларда тўлиқ таъминлаш, фуқароларнинг судга бўлган ишончини мустаҳкамлаш ва уларнинг манфаатларини кафолатли ҳимоя қилиш борасида қатъий чоралар, тегишли вазифалар белгилаб олинди.
Таъкидлаш жоизки, Мажбурий ижро бюросининг Амударё тумани бўлимига 2021 йил 31 декабрь ҳолатига ўтган йилдан қолдиқ билан бирга 128,4 млрд. сўмлик жами 16,4 минг ижро ҳужжатлари келиб тушган ва ўтган йил давомида 97,8 млрд. сўмлик 9 478 та ижро ҳужжатларининг ижроси тамомланган. Шундан 58,4 млрд. сўмлик 6 533 та ижро ҳужжатлари амалда ундирилган.
Фуқаролик ишлари бўйича судлардан 26,4 млрд. сўмлик 6 866 та ижро ҳужжатлари келиб тушган бўлса, “Суд ҳужжатлари ва бошқа органлар ҳужжатларини ижро этиш тўғрисида”ги Ўзбекистон Республикаси Қонунининг 8,24-моддаларига асосан 2,9 млрд. сўмлик 465 та, яъни 6,7 фоиз ижро ҳужжатларидаги камчиликларни бартараф қилиш учун ижрога қабул қилинмасдан қайтарилган.
Мисол тариқасида келтириб ўтиш ўринлики, Фуқаролик ишлари бўйича Амударё тумани судининг 2021 йил 24 декабрь кунги ижро ҳужжатига кўра қарздор С.Ж. дан давлат фойдасига ДСИ фойдасига 2 млн. 393,6 минг сўм солиқ қарзи ундириш тўғрисидаги ижро ҳужжати “MIB Portal” дастури орқали келиб тушган ва ушбу ижро ҳужжатининг мазмуни, қайси иш бўйича берилган, қарздор, ундирувчилар тўғрисидаги маълумотлар йўқлиги сабабли, Қонуннинг 8,24-моддасига асосан қайтарилган.
Бундан ташқари, ушбу суднинг 2021 йил 22 октябрь кунги ижро ҳужжатига кўра, қарздор Қ.А. дан ундирувчи Ў.С. нинг фойдасига 1,3 млн. сўм ундириш тўғрисидаги ижро ҳужжати “MIB Portal” дастури орқали келиб тушган ва ушбу ижро ҳужжатининг PDF иловаси дастурида йўқлиги сабабли Қонуннинг 8,24-моддаларига асосан қайтарилган.
Шуни алоҳида таъкидлаш жоиз, Бюро томонидан ижро ҳужжатларини асоссиз қайтариш ҳолатлари фаолиятда ўрин олмаган бўлиб, эндиликда ижро ҳужжатларини юборишга масъул суд органи ва Бюро ходимлари иш юритишда “E-XSUD” тизими ва “MIB Portal” дастури орқали маълумотлар алмашинувини янада такомиллаштириш, ортиқча оворагарчиликларнинг олдини олиш, ҳамкорликни мустаҳкамлаш, хато-камчиликларни бартараф қилиб бориш бўйича тизимли чоралар белгиланди.
Мажбурий ижро бюроси Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
