Олмазор маҳалласида туман ҳокимининг сайёр қабули ўтказилди
Ўзбекистон Республикаси Президенти томонидан мамлакатни жадал ижтимоий-иқтисодий ривожлантириш, аҳоли учун муносиб турмуш шароити яратиш, шунингдек, аҳолининг бунёдкорлик салоҳиятини рўёбга чиқаришга қаратилган қатор муҳим давлат ва ҳудудий дастурлар, қонун ҳужжатлари қабул қилинди.
Жойларда ишларнинг ҳақиқий аҳволини ҳар томонлама ва чуқур ўрганиш, халқ билан бевосита мулоқотнинг сифат жиҳатдан янги ва самарали шаклларини жорий этиш мақсадида сектор раҳбарлари томонидан ўтказилаётган сайёр қабуллар ўзининг ижобий самарасини бермоқда.
Давлат ва жамият ўртасидаги алоқаларни мустаҳкамлайдиган мазкур халқ билан мулоқот услуби тобора ўзига хос анъанага айланиб фуқаролар билан боғлиқ муаммоларнинг ўз вақтида ечим топишида муҳим аҳамият касб этмоқда.
21 апрель куни туманимизнинг Олмазор маҳалласи ҳудудида жойлашган 82-сонли умумий ўрта таълим мактаби биносида туман ҳокими, 1-сектор раҳбари Сўлтонбой Йўлдашев, туман Халқ қабулхонаси бўлими мудири Эркин Ражабов ҳамда мутасадди ташкилот масъуллари иштирокида сайёр қабул бўлиб ўтди.
Унда туманимизнинг Олмазор, Гулзор ва Ойбек маҳаллаларида истиқомат қилувчи 60 дан ортиқ фаол ва муаммоси бор бўлган аҳоли вакиллари қатнашиб, ўзини қийнаётган масалалар билан туман ҳокимига мурожаат қилишди.
Қабул давомида фуқаролардан ўн бешдан ортиқ турли мазмундаги мурожаатлар келиб тушди. Мурожаатлардан тўрттаси шу ернинг ўзида ҳал қилинган бўлса, баъзиларига масъуллар бириктирилиб муддатлар белгиланди.
Шу ўринда қайд этиш лозимки, бугун ҳар бир фуқаро учун барча давлат органлари ва ташкилотларнинг эшиклари очиқ. Давлат идоралари раҳбарлари фуқароларнинг мурожаатларини сокин кабинетларда эмас, балки ижтимоий жараёнлар кечаётган паллада жойига бориб, реал ҳолатни ўрганмоқда.
Туманимизда бу каби кўплаб сайёр қабулларнинг ўтказилиши натижасида фуқароларнинг мурожаатлари, маҳаллаларга бириктирилган ишчи гуруҳларнинг уйма-уй юриб аниқлаган муаммолари, ҳудудни ижтимоий-иқтисодий ривожлантириш йўлидаги тўсиқларни тезроқ аниқлаш ва ҳал этиш имкониятини бермоқда.
Шунингдек, уларнинг мунтазам йўлга қўйилгани аввалги сайёр қабул ва учрашувларда белгиланган топшириқ ва вазифалар ижроси устидан назоратни кучайтирмоқда.
Мухтасар айтганда, сайёр қабуллар аҳоли муаммоларини жойида, тез ва самарали ҳал этиш имконини бераётгани, ҳудудларда йиллар давомида йиғилиб қолган муаммоларни аниқлаш ва бартараф этилишида давлат органлари ва ташкилотлари олдига вазифалар қўяётгани ва ушбу вазифаларни тўлақонли бажаришга ундаётгани билан муҳим аҳамият касб этмоқда.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
