Туман ҳокими С.Йўлдашев маҳаллий бюджетдан замонавий тиббий асбоб-ускуналар олиб берилган тиббиёт бирлашмасига ҳамда уй совға қилинган оилага ташриф буюрди

Маълумки, 28 март куни Ўзбекистон Республикаси Президенти Шавкат Мирзиёев раислигида соғлиқни сақлаш вакиллари билан видеоселектор йиғилиши ўтказилган эди. Йиғилишда аҳолига тиббий хизмат кўрсатиш сифатини яхшилаш, тиббиёт муассасалари моддий-техник базасини мустаҳкамлаш, соғлиқни сақлаш ходимларига муносиб меҳнат шароитларини яратиш борасидаги ислоҳотлар ва истиқболдаги устувор вазифалар белгилаб олинди.

Мазкур вазифалар ижросини таъминлаш мақсадида 5 май куни Амударё тумани ҳокими Султонбой Йўлдашев туман тиббиёт бирлашмаси ходимлари билан учрашди.

Учрашув давомида туман ҳокими аҳолига сифатли тиббий хизмат кўрсатилишини таъминлаш мақсадида маҳаллий бюджетдан олиб берилган умумий қиймати 1 млрд. 450 млн сўмлик 8 та замонавий тиббий асбоб-ускуналардан фойдаланиш жараёни биилан яқиндан танишди.

Шундан сўнг, туман ҳокими шифокорлар билан суҳбатлашиб мамлакатимизда “Инсон қадри учун” деган эзгу ғоя асосида соғлиқни сақлаш тизимини янги босқичга олиб чиқиш ва халқимизга тиббий хизмат кўрсатиш самарадорлиги ва сифатини оширишга қаратилган кенг кўламли чора-тадбирлар асмалга оширилаётанлигини таъкидлаб ўтди.

Шунингдек, касалликни даволашдан кўра унинг олдини олиш зарурлиги ва бу борада шифокорлар томонидан ҳар бир маҳаллада корхона ва ташкилотларда мунтазам олиб борилаётган тарғибот тадбирлари мунтазам равишда ўтказилиши кераклиги қайд этиб ўтилди.

Қолаверса, шифокорларга яқори технологик даволаш усулларини йўлга қўйиш бўйича муҳим кўрсатмалар ва топшириқлар бериб ўтилди. Таъкидланганидек, тиббиёт ходимларининг меҳнатларини муносиб рағбатлантириб бориш ҳамда уларга муносиб меҳнат шароитлар яратиш борасида тизимли ишлар амалга оширилмоқда. Бундан кўзланган мақсад эса фақат битта − инсонларнинг ҳар бир ўтаётган кунидан, қилаётган меҳнатидан рози бўлиб яшашидир.

Шу куни туман ҳокими Султонбой Йўлдашев ҳоким ўринбосари Маҳмуд Шерметов, ҳокимликнинг дин ишлари бўйича бош мутахассиси Музаффар Шеримбетовлар билан биргаликда Бўз солма маҳалласида истиқомат қилувчи ижтимоий ҳимояга муҳтож Олимбой Давлатбаев билан учрашди.

Ушбу фуқаронинг яшаш шароити мутасаддилар томонидан ўрганиб чиқилгач, оилага туман ҳокимлиги томонидан Навоий маҳалласи ҳудудидан хонадон совға қилинган эди. Туман ҳокими ушбу оилага ташрифи чоғида оила аъзолари билан самимий суҳбатлашди.  

Давлатбоевлар оиласи давлатимиз томонидан кўрсатилаётган эътибор ҳамда ишончни Ватанимизга муносиб хизмат қилиб оқлашга ваъда бериб туман ҳокимига чуқур миннаддорлик билдиришди.

Туман ҳокими Султонбой Йўлдашев оила раҳбарини ўз хонадонига эга бўлгани билан қутлар экан, ижтимоий ҳимояга муҳтож фуқароларни қўллаб-қувватлаш, ҳаётда ўз ўрнини топишга кўмаклашиш борасида кўплаб тизимли ишлар амалга оширилаётганлигини ва бу ишлар ўзининг ижобий натижаларини намоён қилаётганлигини таъкидлаб, Давлатбоевлар оиласини самимий табриклади.

Дарҳақиқат, юртимизда амалга оширилаётган жамики эзгу амаллар инсон қадри учун. Мамлакатимизда яшаётган ҳар бир фуқарога тили, дини, ижтимоий келиб чиқишидан қатъий назар муносиб меҳнат шароитларини яратиш, уларни бугунги ислоҳотлардан рози бўлиб ҳаёт кечиришларини таъминлаш давлатимиз сиёсатининг бош мақсадидир.

Туман ҳокимлигининг Ахборот хизмати