ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИ МИГРАЦИЯ ВА ФУҚАРОЛИКНИ РАСМИЙЛАШТИРИШ БОШ БОШҚАРМАСИНИНГ БЎЛИМ БОШЛИҒИ САЙЁР ҚАБУЛ ЎТКАЗДИ
Жойларда ўтказилаётган сайёр қабуллар фуқароларнинг дардини эшитиш, уларнинг ҳаётидаги муаммоларига ечим топишда муҳим аҳамият касб этмоқда. Барча давлат идоралари фаолиятида аҳолининг мурожаатлари билан ишлаш бўйича яратилган бундай тизим “халқ давлат органларига эмас, балки давлат органлари халққа хизмат қилиш керак” деган тамойилнинг амалий ифодаси десак, адашмаган бўламиз.
Шу йилнинг 29 октябрида Амударё тумани Маҳалла ва нуронийларни қўллаб-қувватлаш бўлими биносида бўлиб ўтган Ўзбекистон Республикаси Ички ишлар вазирлиги Миграция ва фуқароликни расмийлаштириш бош бошқармаси бўлим бошлиғи Азиз Раҳматуллаевнинг сайёр қабулида ҳам аҳолининг миграция, фуқароликни расмийлаштириш, паспорт тизимига оид кўпгина муаммоларига ижобий ечим топилди.
Дастлаб йиғилганларга соҳада олиб борилаётган ишлар фуқароликни расмийлаштириш ва паспорт тизимига оид янгиликлар ҳақида тўхталиб ўтилди.
Сайёр қабулга келган фуқаролар масъулларга соҳага доир кўплаб мурожаатлар қилдилар. Хусусан, Манғит шаҳрининг Халқлар дўстлиги кўчасида вақтинча яшаётган Россия Федерацияси фуқароси Ножкин Владимир Александрович паспортининг муддати ўтган, муддатини узайтириб, Ўзбекистон Республикасида яшаш гувоҳномаси расмийлаштиришда ёрдам сўраб мурожаат қилди. Унга Тошкент шаҳрига бориб келиши, Россия Федерацияси паспортини қайта тиклаши учун ҳомий бириктирилди.
Туманимизнинг Қорамон маҳалласида яшовчи 1969 йилда туғилган Гулчеҳра Ишмедова асли Туркманистон давлати фуқароси. Сайёр қабулдан Ўзбекистон Республикасида яшаш гувоҳномаси олиш масаласида мурожаат қилди. Мурожаат ижобий ҳал қилиниши учун ҳужжатлари кўриб чиқилмоқда. Шу маҳалланинг яна бир фуқароси 1947 йилда туғилган Тўлибой Йўлдошев Туркманистон Республикасида истиқомат қилувчи фарзанди ва келинини Ўзбекистон Республикасига таклиф қилиш масаласида, Бўзсолма маҳалласида яшовчи, 1945 йилда туғилган Мадамин Турсунов Туркманистон Давлатининг фуқаролик паспортини йўқотиб қўйганлиги, ушбу ҳужжатини тиклатиб, Ўзбекистон Республикасида яшаш гувоҳномасини олиш, Қангли овулида яшовчи Огулсона Сапарова фуқаролиги йўқ шахс учун Ўзбекистон Республикасида яшаш гувоҳнома олиш, Бўзсолма маҳалласида яшовчи Селби Тувакмедова, Икром Шомуродовлар Ўзбекистон Республикасида яшаш гувоҳномаси олиш, Хауагул Оразбаева эса Ўзбекистон Республикаси фуқаролик паспорти олиш масаласида мурожаатлар қилди.
Сайёр қабул давомида уларнинг мурожаатларини ижобий ҳал қилиш учун айримларининг ҳужжатлари қабул қилинди, айримларига ҳуқуқий тушунтиришлар берилди. Шунингдек фуқаролиги бўлмаган шахс сифатида доимий рўйхатда бўлган Манғит шаҳрида яшовчи Жамиле Атабаеванинг фуқаролик олиш масаласидаги мурожаати бўйича тегишли тартибда аризаси олиниб, ижро учун Қорақалпоғистон Республикаси Миграция ва фуқароликни расмийлаштириш бўлимига берилди.
Сайёр қабулда ҳар бир мурожаат синчиклаб ўрганилгани ва ижобий ечим топишга ҳаракат қилингани, айримларига эга муаммоларини ҳал қилиш тартиблари тушунтирилганидан фуқаролар жуда мамнун бўлдилар. Юртимизда инсон қадри улуғланиб, уларнинг фаровон ҳаёт кечириши учун амалга оширилаётган саъй-ҳаракатлардан миннатдор эканликларини изҳор этдилар.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
