1-сонли мактабда “Таъзим Сизга, меҳридарё устозлар!” деб номланган тадбир ўтказилди
Ўқитувчи ва мураббийлар инсон камолотида муҳим ўрин тутади. Улар аввало, ёшларга билим бериш орқали уларнинг ақлий салоҳиятини оширади. Билимли инсонлар жамиятнинг ривожланишига ҳисса қўшади, янги технологиялар ва инновацияларни яратишда фаол иштирок этади. Ўқитувчиларнинг вазифаси фақатгина дарс бериш эмас, балки ўқувчиларнинг мустақил фикрлаш қобилиятини ривожлантириш, уларни танқидий фикрлашга ўргатишдир. Шу сабабли ҳам мамлкатимизда ўқитувчи ва мураббийларга Учинчи Ренессанс пойдеворини барпо қилишда ҳал қилувчи куч сифатида эътибор қаратилади, эҳтиром кўрсатилади.
1997 йилдан буён ҳар йили 1 октябрь санасида нишонлаб келинаётган Ўқитувчи ва мураббийлар куни байрами Амударё туманидаги 1-сонли умумтаълим мактабида ҳам эсда қоларли воқеа ва тассуротларга бой тарзда ўтди. Сана муносабати билан ташкил қилинган “Таъзим Сизга, меҳри дарё устозлар” деб номланган тадбирни мактаб директори Дилрабо Шербоева очиб берди ва барча устозларни байрам билан муборакбод этди.
Тадбир мактабнинг 5-а синф ўқувчиларининг ўзлари тайёрлаган совға ва гулларини устозларига тақдим қилиш маросими билан юқори кайфиятда бошланди. 5-б синф ўқувчиларининг “Таъзимдамиз, устозлар” қўшиғига рақси эса байрам тадбири иштирокчиларига янада кўтаринкилик бахш этди. Устозларни улуғловчи шеърлари билан 7-а ва 5-а синф ўқувчилари ҳам байрам тадбирида фаол иштирок қилишди. 8-а, 6-в ва 8-б синф қизлари ижро қилган рақс эса иштирокчилар қалбига баҳорий илиқлик олиб кирди.
Айтиш жоизки, ўқитувчи ва мураббийлар ёшларнинг маънавий ривожланишига катта таъсир кўрсатади. Улар ёшларга ахлоқий қадриятлар, ватанпарварлик ва инсонпарварлик каби тушунчаларни сингдиради. Бу эса ёшларнинг жамиятда муносиб ўрин эгаллашларига ёрдам беради. Ўқитувчи ва мураббийларнинг меҳнати жуда қадрлидир.
Тадбир давомида ёш авлоднинг интеллектуал ва маънавий салоҳиятини юксалтириш, уларни она Ватанга муҳаббат, истиқлол ғояларига садоқат руҳида тарбиялаш ишларига қўшган салмоқли ҳиссаси, таълим-тарбия тизимидаги самарали меҳнати ҳамда ижтимоий ҳаётдаги фаол иштироки учун мактабнинг бир гуруҳ ўқитувчилари, хусусан, рус тили ўқитувчиси Муҳаббат Ишимбетова, қорақалпоқ тили ўқитувчиси Дилдора Кучкарова, инглиз тили ўқитувчиси Барно Эшимбетова, география фани ўқитувчиси Дилфуза Ўразбоева, бошланғич синф ўқитувчиси Хосият Худайбергеновалар Амударё тумани Мактабгача ва мактаб таълими бўлими маъмурияти томонидан фахрий ёрлиқ ҳамда эсдалик совғалари билан тақдирланди.
Дилдора Қўчқарова, мактабнинг қорақалпоқ тили фани ўқитувчиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
