МАКТАБГАЧА ВА МАКТАБ ТАЪЛИМИ ХОДИМЛАРИ УЧУН КОРРУПЦИЯГА ҚАРШИ КУРАШИШ МАВЗУСИДА СЕМИНАР БЎЛИБ ЎТДИ
Бугунги кунда коррупция дунё миқёсида ҳал этилиши лозим бўлган глобал муаммолардан бири ҳисобланади. Ушбу иллат ҳар қандай давлат ва жамиятнинг сиёсий-иқтисодий ривожланишига жиддий путур етказиб, инсон ҳуқуқ ва эркинликларининг поймол бўлишига олиб келади. Шу боис, унга қарши кураш халқаро аҳамият касб этиб, жаҳондаги барча давлатлар сиёсатида муҳим масалалар қаторидан жой олган.
Коррупцияга қарши курашиш халқаро миқёсда бўлгани каби мамлакатимизда ҳам ҳал этилиши лозим бўлган долзарб муаммолардан бири ҳисобланади ва унга қарши муваффақиятли кураш тизимини барпо этишда кенг кўламли ҳамкорликни ривожлантириш, бу борада ҳар бир фуқаро ва ҳар бир раҳбар ходимнинг масъулиятини оширишга алоҳида эътибор қаратилмоқда. Чунки коррупция жамиятнинг маънавий устунлари ҳамда демократияни емиради, мамлакатнинг ижтимоий-иқтисодий ва сиёсий тараққий этиши учун улкан хавф туғдиради.
Яқинда Амударё тумани Мактабгача ва мактаб таълими бўлими тасарруфидаги 38-сонли умумтаълим мактабида Ўзбекистон Республикаси Мактабгача ва мактаб таълими Вазирлигининг 2024 йил 28 октябрдаги “Назорат тартибида текшириш ўтказиш, коррупцияга қарши профилактика чора-тадбирларини амалга ошириш ҳақида”ги тегишли буйруғи асосида ZOOM платформаси орқали ташкил қилинган семинарда ҳам коррупциянинг жамият тараққиётига зарари хусусида ҳаётий мисоллар асосида батафсил маълумотлар берилди.
Ўзбекистон Республикаси Мактабгача ва мактаб таълими Вазирлиги томонидан ташкиллаштирилган мазкур семинарда Қорақалпоғистон Республикаси Мактабгача ва мактаб таълими вазирлиги масъул ходимлари Ҳамиджон Бегдуллаев ва Рахат Ержановлар, Амударё тумани ММТБ ходимлари, умумтаълим мактаблари, “Баркамол авлод” болалар мактаби ҳамда мактабгача таълим ташкилотлари раҳбарлари иштирок этдилар.
Семинар аввалида иштирокчиларга коррупцияга қарши курашишга оид қонунчилик ва ички локал ҳужжатларнинг мазмун-моҳияти ҳамда аҳамиятини тушунтиришга қаратилган кўргазмали материаллар тарқатилди. Шунингдек, коррупция ҳақида хабар беришга мўлжалланган вазирлик ва тизим ташкилотлари алоқа каналларини кенг тарғиб қилиш мақсадида тарғибот материаллари тарқатилиб, тақдимотлар ўтказилди. Бундан ташқари, иштирокчилар коррупцияга қарши курашишга оид қонунчилик ва ички локал ҳужжатлар билан батафсил таништирилиб, соҳага доир қонунчилик ҳужжатларининг қўлланиш тартиби билан муфассал таништирилди.
Семинар давомида масъуллар томонидан “Манфаатлар тўқнашуви тўғрисида”ги Ўзбекистон Республикаси Қонуни кучга киргунга қадар унда белгиланган талаблар ва механизмларнинг амалиётда ишлаши билан боғлиқ масалаларни ўрганиш ва манфаатлар тўқнашувининг олдини олиш бўйича ходимларга зарур услубий тавсиялар тақдим этилди.
Хусусан, якка тартибдаги профилактик чора-тадбирлар сифатида ҳамда ходимларда “ҳалоллик вакцинаси” иммунитетини шакллантириш учун ҳар бир ходимни ҳуқуқбузарликларнинг содир этилиши сабаблари ва уларга имкон бераётган шарт-шароитлар тўғрисида хабардор қилиб бориш билан бирга ходимларга ғайриижтимоий хулқ-атворни давом эттирганлик учун жавобгарлик мавжудлиги ҳақида огоҳлантириш лозимлиги юзасидан тушунтиришлар ва муҳим тавсиялар ҳам берилди.
Семинар иштирокчилари коррупцияга қарши курашиш бўйича тақдим этилган тавсиялар, қонунчилик ҳужжатларини амалиётда қўллаш бўйича саволлар билан мурожаат қилдилар ва барча саволларга масъуллар батафсил жавоблар бердилар.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
