Амударё туманида аҳоли бандлигини таъминлаш ҳамда камбағалликни қисқартириш масалалари бўйича семинар бўлиб ўтди

Қорақалпоғистон Республикасида 2025 йилда аҳоли бандлигини таъминлаш ва камбағалликни чиқариш, шунингдек, ҳудудларни илғор ривожлантириш бўйича иқтисодиёт мажмуаси томонидан амалга оширилган вазифалар ва “драйвер” лойиҳаларни аниқлаш ҳамда Хитой давлатининг 32та тажрибасини жорий этиш юзасидан берилган топшириқлар ижроси мазмун-моҳиятини “Маҳалла еттилиги”га тушунтириш бўйича ҳудудларда ўқув семинарлар ташкил этилмоқда.

Амударё тумани ҳокимлигининг мажлислар залида ушбу масалалар юзасидан семинар бўлиб ўтди. Семинарда Марказий банкнинг Қорақалпоғистон Республикаси Бош бошқармаси масъуллари Абай Фахраддинов, “Ижтимоий ҳимоя” миллий агентлиги Қорақалпоғистон Республикаси бошқармаси бўлим бошлиғи Байрам Ильясов, туман ҳокими ўринбосарлари, тижорат банклари, корхона-ташкилотлар раҳбарлари, “Маҳалла еттилиги” масъуллари иштирок этди.

Семинарда кун тартибидаги масала юзасидан туманда амалга оширилган ишлар атрофлича таҳлил этилди. Мавжуд муаммо ва камчиликларни бартараф қилиш бўйича тегишли кўрсатмалар, устувор вазифалар белгилаб берилди.

Жумладан, жорий йилда аҳоли бандлигини таъминлаш ва камбағалликдан чиқариш бўйича тижорат банклари, туман ва ҳар бир маҳалла кесимида кўрсаткичларни ишлаб чиқиш зарурлиги, бунда аҳоли бандлигини таъминлаш ва даромадларини ошириш бўйича режаларни амалга оширишнинг йўналишлари, Хитой давлатининг 32та тажрибаси асосидаги лойиҳаларни амалиётда жорий қилиш механизмлари ва молиявий инструментларини аниқ кўрсатиш кераклиги тушунтирилди.

Шунингдек, туманда инвестиция лойиҳаларини ишга тушириш ҳисобига тадбиркорлик ва хизматлар соҳасини ривожлантириш орқали, қолаверса, қишлоқ хўжалиги ва қурилиш соҳаларида аҳолини даромадли меҳнат билан банд қилишнинг аниқ муддатлари ва уларга масъулларни белгилаш лозимлиги таъкидланди.

Қолаверса, туманнинг ихтисослашувидан келиб чиқиб, саноат, қишлоқ хўжалиги ҳамда хизмат кўрсатиш соҳаларида тадбиркорликнинг ривожланишига туртки берувчи 5тадан “драйвер” лойиҳаларни аниқлаш, бунда лойиҳаларнинг камида 2таси саонат йўналишида шакллантирилишига алоҳида эътибор қаратилиши зарурлигии хусусида сўз юритилди.

Шу билан бирга, ўқув-семинарда “Маҳалла еттилиги” томонидан маҳаллалардаги камбағал оилалар ва ишсизлар рўйхатини шакллантириш, меҳнат миграциясидан қайтган фуқароларни доимий равишда мониторинг қилиб борилиши кераклиги тушунтирилди ҳамда уларни даромадли меҳнат билан банд қилиш бўйича амалга ошилиши лозим бўлган вазифалар хусусида сўз юритилди.

Чарос Арслонова, туман ҳокимлигининг Ахборот хизмати раҳбари.