ТУМАН ПРОКУРОРИ ЧОЙКЎЛ ОВУЛИДА САЙЁР ҚАБУЛ ЎТКАЗДИ
Мамлакатимизда "Ҳамма нарса инсон қадри учун", "Халқ давлат идораларига эмас, давлат идоралари халққа хизмат қилиши керак" тамойили асосида иш юритиш, халқ орасига кириб бориб, уларнинг яшаш шароитларини ўрганиш орқали муаммоларига ечим топиш бугунги кунда барча бўғинлардаги раҳбарларнинг кундалик иш режасидаги муҳим йўналишлардан бирига айланган. Ҳар қандай кўринишдаги муаммони жойига чиққан ҳолда ўрганиш эса аҳолига зарур ҳуқуқий маслаҳат бериш, ёрдамга муҳтож фуқаролар мурожаатларига ўз вақтида ижобий ечим топиш имконини бермоқда.
Бу борада Амударё тумани прокурори Баҳром Машарипов томонидан туманнинг олис қишлоқ ва маҳаллаларида ўтказилаётган сайёр қабуллар, халқ билан очиқ ва ошкора мулоқот тадбирлари ўзининг ижобий самарасини бермоқда. Ана шундай очиқ ва ошкора мулоқот тарзидаги тадбирлар орқали фуқаролар ўз ҳаётларига доир муаммоларига ижобий ечим топаётганидан, ҳуқуқий маслаҳатлар, зарур тушунчаларга эга бўлаётганларидан мамнун бўлишаётгани қувонарли ҳолат, албатта.
Яқинда Амударё тумани прокурори Баҳром Машарипов томонидан Чойкўл овул фуқаролар йиғини биносида ҳам навбатдаги сайёр қабул ўтказилди. Қабул жараёнида фуқароларнинг кўплаб ариза ва мурожаатлари атрофлича, синчковлик билан ўрганилиб, ҳар бир мурожаат эгаси билан индивидуал равишда суҳбатлашиш орқали муаммоларига ечим топиш чоралари кўрилди.
Сайёр қабулда Чойкўл, Тўлқин овуллари ҳамда Босу маҳалла фуқаролар йиғинлари масъуллари ҳамда мазкур овул ва маҳаллаларда истиқомат қилувчи аҳоли вакиллари иштирок этдилар.
Сайёр қабул аввалида туман прокурори Баҳром Машарипов мазкур сайёр қабулни ўтказишдан мақсад халқ билан бевосита мулоқотлар орқали уларнинг дард-у ташвишларини тинглаш, муаммоларига қонуний ечим топишга кўмаклашиш ва амалий ёрдам кўрсатиш, ҳаётдан рози яшашларини таъминлашга ҳисса қўшиш эканлигини алоҳида таъкидлади. Шу билан бирга иштирокчиларга ўз фикрларини, дард-у ташвишларини эмин-эркин, тортинмасдан билдиришлари зарурлигини билдирди.
Қабул давомида аҳоли вакиллари томонидан қилинган мурожаатларнинг асосий қисми жойида ижобий ҳал этилди. Айрим мураккаб масалалар бўйича мурожаатлар прокуратура ходимлари томонидан синчиклаб ўрганилганидан сўнг назорат дафтарига қайд этилиб, тегишли ташкилотлар масъулларига амалий ижросини таъминлаш бўйича топшириқлар берилди. Шунингдек, фуқаролар томонидан тушган саволлар юзасидан индивидуал суҳбатлашиш орқали зарур тушунтириш ишлари олиб борилиб, уларга ҳуқуқий маслаҳатлар тақдим этилди.
Бу каби сайёр қабуллар фуқаролар билан жойига чиққан ҳолда бевосита очиқ ва самимий мулоқот қилиш, уларнинг дард-у ташвишларини эшитиш, фикр ва таклифларини ўрганиш, шунингдек, ҳақиқат ва адолат тамойилларини амалда таъминлаш йўлида муҳим восита бўлгани билан аҳамиятлидир.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
