МУҚАДДАМ ОҒИР ЖИНОЯТ СОДИР ҚИЛГАН ШАХСГА МАЪМУРИЙ НАЗОРАТ ЎРНАТИЛДИ
Маъмурий назорат бу суд томонидан жазони ижро этиш муассасаларидан озод қилинган шахсларга қўлланиладиган чекловлардан иборат тарбиявий таъсир чорасидир. Қонунга мувофиқ, оғир ёки ўта оғир жиноятлар содир этганлик ёки қасддан қилинган жиноятлари учун икки ва ундан ортиқ марта жазо муддатини ўтаган, бошқа давлатларда озодликдан маҳрум қилинган вояга етган шахсларга суд томонидан маъмурий назорат ўрнатилади.
Шу йил 3 февраль куни Жиноят ишлари бўйича туман судининг мажлислар залида туман ИИБ ҳуқуқбузарликлар профилактика бўлимида ҳисобда турган 1 нафар муқаддам оғир жиноят содир қилиб, судланган фуқарога нисбатан маъмурий назорат тўғрисидаги тақдимномаларга асосан иш материаллари кўриб чиқилди.
Суд ишида туман прокурор ёрдамчиси А.Ниязимбетов ва ИИБ ҲПБ катта инспектори М.Ситмуродовлар иштирок этди. “Жазони ижро этиш муассасаларидан озод қилинган айрим тоифадаги шахслар устидан маъмурий назорат ўрнатиш тўғрисида”ги Ўзбекистон Республикаси Қонунининг талабидан келиб чиқиб, муқаддам оғир жиноят содир қилган ушбу фуқаро устидан маъмурий назорат ўрнатилди. Шунингдек, судда муқаддам оғир жиноят содир қилган фуқаронинг турмуш тарзи ва хулқ атворини назорат қилиш, қайта жиноят ёки ҳуқуқбузарликлар содир қилишига йўл қўймаслик мақсадида ИИБ рухсатисиз тумандан чиқиб кетмаслик, ҳар ойнинг маълум санасида туман ИИБ га келиб учрашиш, алкоголли ичимликлар истеъмол қилмаслик каби чекловлар ўрнатилди.
С.Давлетмуродов, Жиноят ишлари бўйича Амударё туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
