ЎЗБЕКИСТОН “АДОЛАТ” СДП АМУДАРЁ ТУМАН КЕНГАШИНИНГ IV ПЛЕНУМИ БЎЛИБ ЎТДИ
Шу йилнинг 19 май куни туман ҳокимлиги мажлислар хонасида Ўзбекистон “Адолат” социал демократик партияси туман Кенгашининг IV пленуми бўлиб ўтди.
Пленумда Ўзбекистон “Адолат” СДП Қорақалпоғистон Республика Кенгаши раиси ўринбосари Р.Ўтарбоев, партиянинг туман Кенгаши аъзолари, партиядан сайланган депутатлар ва фаоллар, оммавий ахборот воситалари ходимлари иштирок этдилар.
Пленумда “Ўзбекистон “Адолат” СДП Амударё туман Кенгашининг 2020 йилги фаолияти якунлари ва 2021 йилга мўлжалланган устувор вазифалари” тўғрисидаги ва ташкилий масала муҳокама этилди.
Тадбирни партия туман Кенгаш раиси Мансур Ўрозбоев очди ва олиб борди. Кун тартибидаги илк масала юзасидан қилган маърузасида таъкидлашича, Ўзбекистон “Адолат” СДП Амударё туман Кенгаши ўтган 2020 йилда ўз фаолиятини Ўзбекистон Республикаси Президентининг Қонунчилик палатаси ва Сенати йиғилишларида ҳамда 26 январдаги Мурожаатномаси, партиянинг 2020-2024 йилларга мўлжалланган Сайловолди дастурида белгиланган вазифаларни амалга ошириш бўйича ишлаб чиқилган Йўл харитасига мувофиқ олиб борди.
Ҳисобот даврида мафкуравий ва дастурий вазифаларни амалга оширишга каратилган 10га яқин партия лойиҳаларни ҳаётга татбиқ этиш чоралари кўрилди.
Жумладан, партиянинг “Муаммо билан юзма-юз” лойиҳаси доирасида барча даражадаги депутатлик корпуслари ва партия фаоллари ҳар ҳафтанинг чоршанба кунлари мунтазам равишда маҳаллаларда халқ билан юзма-юз мулоқотлар ўрнатишди.
Ўтган 2020 йил давомида ишчи гуруҳлар томонидан Амударё тумани бўйича жами 32 та маҳалларда халқ билан юзма-юз мулоқотлар ташкил қилинди. Унда 153 та хонадон ва 19 та хўжалик юритувчи субъектга ташриф буюрилди. Аҳоли томонидан келиб тушган 18 та мурожаатлар юзасидан 13 та депутатлик сўровлари юборилиб, 10 таси ижобий ечимини топди, 3 та мурожаатлар ҳуқуқий маслаҳатлар бериш орқали ҳал этилди.
Шунингдек, давлат дастури ижросини таъминлаш мақсадида партиянинг “Адолат” сиёсий-ҳуқуқий ўқувлари куни” лойиҳаси доирасида ҳар ҳафтанинг сешанба кунлари ҳар бир маҳаллаларда аҳолини кенг жалб қилган ҳолда сиёсий-ҳуқуқий ўқувлар ташкил этилди. Уларда 235 нафар тингловчи қамраб олинди.
Партиянинг “Бир ойда бир иши ўрни” лойиҳаси доирасида 8 нафар фуқаролар иш билан таъминланди. Шундан 6 нафарини ёшлар, 2 нафарини аёллар ташкил этади.
Партия депутатлари ва фаолларининг аҳоли билан мулоқотини янада жадаллаштириш, жойларда ҳудудларнинг ижтимоий-иқтисодий ривожланиши, соғлиқни сақлаш, таълим соҳаларидаги ислоҳотларга тўсиқ бўлиб келаётган муаммоларни ўрганиб, уларнинг ечимини топиш масалалари партиянинг барча тузилмалари эътибори марказида бўлиши зарурлигига эътибор қаратилди.
Шунингдек, пленумда ташкилий масала ҳам кўрилди. Ўзбекистон “Адолат” СДП туман Кенгаши раислигига Ўктамбой Йўлдошевни сайлаш тўғрисида ва партия туман Кенгаши фаолиятининг янада самарали бўлишига хизмат қилувчи қарорлар қабул қилинди.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
