Хитой овулида сайёр қабул ўтказилди
Мамлакатимизда Президентимиз ташаббуси билан аҳоли мурожаатлари билан ишлаш борасида янгича тизим яратилиб, жойларда инсонларни қийнаб келаётган, ўз ечимини кутаётган муаммоларга ечим топиш борасида самарали чора-тадбирлар амалга оширилмоқда. Жойларда, айниқса, чекка ҳудудларда мутасадди раҳбарлар томонидан ўтказилаётган сайёр қабулларда аҳоли мурожаатларидаги масалаларга ечим топилмоқда.
Жорий йилнинг 30 июль санасида Амударё тумани 3-сектор ҳудудидаги Хитой овулида аҳоли муаммоларини ўрганиш ҳамда уларни ҳал қилиш мақсадида сайёр қабул ўтказилди. Сайёр қабулда туман ҳокими, 1-сектор раҳбари Султонбой Йўлдашев, Ўзбекистон Республикаси Президентининг тумандаги Халқ қабулхонаси мудири Эркин Ражабов ҳамда барча секторлар раҳбарлари, туман ҳокими ўринбосарлари, корхона-ташкилотлар масъуллари, шунингдек аҳоли вакиллари иштирок этдилар. Хитой овули биносида ўтказилган сайёр қабул жараёнига 30 нафардан ортиқ аҳоли вакиллари йиғилишди.
Таъкидлаш керакки, мамлакатимизда инсон манфаатлари олий қадрият даражасига кўтарилди. Бугун барча давлат идоралари фаолиятида аҳолининг мурожаатлари билан ишлаш бўйича сифат жиҳатидан мутлақо янги ишлар ташкил этилмоқда. Жойларда ўтаётган сайёр қабуллар халқнинг дардини эшитиш, уларнинг муаммоларини ҳал этишда, шак-шубҳасиз, кутилган натижаларни бермоқда. Зеро, Давлатимиз раҳбари таъкидлаганидек, халқ давлат органларига эмас, балки давлат органлари халқимизга хизмат қилиши керак.
Шу тамойил асосида Хитой овулида ўтказилган сайёр қабулда Ўзбекистон Республикасининг “Жисмоний ва юридик шахсларнинг мурожаатлари тўғрисида”ги Қонуни талаблари асосида аҳоли мурожаатлари қабул қилинди.
Айтиш кераки, мазкур қонун билан мурожаатлар билан ишлаш тизимидаги барча тартиб-қоидалар белгилаб берилган. Жумладан, жисмоний ва юридик шахслар давлат органларига мурожаат этиш ҳуқуқига эгалиги, мурожаат этиш ҳуқуқи ихтиёрий равишда амалга оширилиши, ҳеч ким бирон-бир мурожаатни ҳимоя қилишга ёхуд унга қарши қаратилган ҳаракатларда иштирок этишга мажбур қилиниши мумкин эмаслиси, мазкур ҳуқуқининг амалга оширилиши бошқа жисмоний ва юридик шахсларнинг ҳуқуқларини, эркинликларини ҳамда қонуний манфаатларини, шунингдек жамият ва давлат манфаатларини бузмаслиги кераклиги каби асосий қоидалар белгиланган.
Мазкур қонун талаблари асосида туманимизнинг Хитой овулида ўтказилган сайёр қабулда аҳоли вакиллари томонидан 20 га яқин мурожаатлар қабул қилинди. Мурожаатлар асосан, бандлигини таъминлаш, ижтимоий ва моддий ёрдам бериш, тадбиркорлик билан шуғулланиш учун кредит олишда, электр таъминотидаги муаммоларни ҳал этишда, ободонлаштириш ва ички йулларни таъмирлаш масалаларида амалий ёрдам бериш мазмунида бўлди.
Мурожаатларни ҳал этишда тегишли ташкилотларга топшириқлар берилди. Айрим мурожаатлар тушунтириш бериш орқали шу ернинг ўзида ҳал этилди.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
