“ТИЛ – МИЛЛИЙ ҒУРУРИМИЗ”
Якунланаётган ҳафтадан 21 октябрь – Ўзбек тили байрами кени мамлакатимиз бўйлаб кенг нишонланди.
Ҳар бир миллатнинг ўз она тили маънавий бойлигидир. Чунки тил миллат руҳи, маданияти, турмуш тарзини акс эттиради.
1989 йилнинг 21 октябри мамлакатимиз тарихида унутилмас сана бўлиб қолди. Боиси шу куни она тилимизнинг ҳуқуқий асосларини белгилаб берувчи “Давлат тили тўғрисида”ги Қонун қабул қилиниб, унга кўра ўзбек тилига Давлат тили мақоми берилди.
2020 йилнинг 10 апрелида эса 21 октябрь санасини ўзбек тили байрами сифатида белгилаш тўғрисида Ўзбекистон Республикаси Қонунининг 1-моддасида белгилаб қўйилди.
Ушбу сана ҳар йили мамлакатимизда кенг нишонланади, ўзбек тилининг ҳуқуқий мақолмини белгилашда босиб ўтилган қийинчиликлар, ўзбек тилининг бой имкониятларидан фойдаланиш учун бугунги кунда яратилган шароитлар, она тилимизнинг жамиятдаги мавқеини, мақомини юксалтириш борасида, она тилимизнинг софлигини сақлаш, уни ёш авлодга чуқур ўргатиш борасида амалга оширилаётган ишлар кенг эътироф этилади.
Ўзбек тили байрами муносабати билан шу йилнинг 21 октябрида туманимиздаги 38 умумий ўрта таълим мактабида мактаб ўқитувчилари, ўқувчилари ва туман Маданият бўлими ходимлари ҳамкорлигида ташкил этилган “Тил – миллий ғуруримиз” деб номланган маънавий-маърифий кечада ҳам она тилимизнинг гўзаллиги, жозибаси ва жуда бой эканлиги, она тилимизни асраш, ривожлантиришга ҳисса қўшиш – миллатимизнинг юксалишига замин яратиши хусусида батафсил сўз юритилди.
Тадбирда мактаб ўқитувчилари, ўқувчилари, туман Маданият бўлими ходимлари, “Миллий тикланиш” партияси туман Кенгашидан вакиллар қатнашдилар.
Тадбирни мактаб директорининг маънавий-маърифий ишлар бўйича ўринбосари Нилуфар Тожимуродова очди. Дастлаб мактаб она тили ва адабиёт фани ўқитувчилари она тилимизнинг ҳар биримизнинг ҳаётимиздаги ўрни, шунингдек, мустақил давлатимизнинг байроғи, герби, мадҳияси сингари қонун йўли билан ҳимоя қилинадиган муқаддас давлат рамзи эканлиги, миллат кўзгуси эканлиги хусусида маърузалар қилдилар, ўзбек тилига давлат тили мақомининг берилиши халқимизнинг мустақилликка эришиш йўлида муҳим қадам бўлганлигини таъкидладилар.
Ўзбек тилига давлат тили мақоми берилган тил байрами кунига бағишланган маънавий-маърифий кеча ўқувчилар ижросидаги она тилимизни улуғловчи шеърлар, саҳна кўринишлари билан давом этди.
Шунингдек, таниқли хонандалар Анвар Худойберганов, Муроджон Ибрагимов ва Рашид Раҳимов, Севинчой Мавлонбергановалар ижро этган қўшиқлар, мактаб бадиий ҳаваскорлари ижро этган рақслар барчага юқори кайфият бахш этди.
Туман Маданият бўлими ходими Насиба Эшчанова сценаийси асосида ўтказилган “Тил – миллат кўзгуси” деб номланган тадбир барчада чуқур таассуротлар қолдирди.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
