ЗАРУРАТ ТУФАЙЛИ САЛКАМ ЧОРАК АСРДАН СУНГ ТИКЛАНГАН ҲУЖЖАТ
Инсон ҳаётида лоқайдлик туфайли эътиборсизлик билан қаралган нарсаларга орадан қанча фурсат, муддат ўтса ҳам зарурат туғилиб қолади. Шундай пайтлар бўладики, арзимас ёки кичик деб қаралган ўша нарсага катта эҳтиёж сезилади.
Амударё тумани Туркистон кўчаси 4-уйда яшовчи фуқаро Фотима Нуранованинг 1977 йил 3 февраль куни тирик туғилиб, шу куни вафот этган қиз жинсли иккинчи фарзанди Эрназарова Тусуной Жумабаевнанинг туғилганлиги ва ўлим ҳақида далолатнома ёзувлари ўз вақтида қайд қилинмасдан қолган эди.
Орадан шунча вақт ўтиб, айни пайтга келиб, нотариус томонидан мерос иши очилганда ушбу қизнинг туғилганлик ва ўлим ҳақида ҳужжатлари талаб қилинган. Шу зарурият сабабли хонадон эгалари туман ФҲДЁ бўлимига ҳужжатларни тиклаб беришни сўраб, мурожаат қилишди. Мурожаатга кўра, ФҲДЁнинг ягона архив базаси текширилганида туғилганлик ва ўлим ҳолатлари ўз вақтида қайд қилинмаганлиги маълум бўлди.
Малакали ходимлар томонидан онахонга ҳуқуқий тушунтириш ва амалий ёрдам берилгани натижасида Фуқаролик ишлари бўйича туман суди томонидан бу ҳолатга ойдинлик киритилди. Қиз фарзанднинг айтилган муддатда шу онадан туғилганлиги ва вафот этганлиги бўйича фактлар аниқланди ҳамда 49 йилдан кейин фарзандига туғилганлик ва ўлим ҳақидаги далолатнома ёзувлари расмийлаштирилди.
Фуқаро Нуранова Фотимага мурожаатига кўра, 2022 йил 18 май куни амалий ёрдам кўрсатилиб, ҳақиқатда ҳам 1977 йил 3 февраль куни туғилган қиз фарзанди вафот этганлиги ҳақида ўлим гувоҳномаси берилди.
С.Халбаева, туман ФҲДЁ бўлими мудираси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
