МАКТАБЛАР ЯНГИ ЎҚУВ ЙИЛИГА ТАЙЁР

Мана ёзги таътил кунлари якунланиб, мактаб бошланишига ҳам саноқли кунлар қолди. Ўқувчилар яна ўзларининг жонажон мактабига, устозлари бағрига ошиқмоқдалар. Янги ўқув йилини ҳар йилдагидан-да, кўтаринки кайфиятда бошлаш учун тумандаги барча мактабларда тайёргарлик ишлари қизғин олиб борилди. 

85 та умумий ўрта таълим мактаблари 31095 ўқувчи ўрнига мўлжалланган бўлса-да, ўтган йиллар мобайнида уларда 37965 нафар ўқувчилар таълим-тарбия олиб келишаётган эди. Бугунги кунга келиб ушбу муаммо ўз ечимини топди. 55-сонли мактаб биносига 330 ўринли, 76-сонли мактаб биносига 360 ўринли 18-, 14-, 36-сонли мактаблар биноларига 180 ўринли қўшимча биноларни қуриш ишлари якунланиш арафасида турибди.

Шунингдек, 3-, 26-сонли мактабларда қурилиш-таъмирлаш ишлари якунига етказилган бўлса, 69-, 27-, 11- мактабларда  жадал суръатларда давом этмоқда. Айтиш керакки, ёш авлоднинг маънан баркамол, интеллектуал салоҳиятга эга бўлиб вояга етишларида оилада, мактабда берилган таълим -тарбия билан биргаликда яратилган шароитлар ҳам муҳим аҳамият касб этади.

Шу мақсадда,   туманда-ги 4-, 15-, 19-, 46-, 53-сонли мактаблар Корея Республи-касининг Эксимбанк лойиҳаси ҳисобидан, ҳар бир мактабга 16 донадан жами 80 дона замонавий компьютер техникалари ҳамда 9-, 36-, 58-, 72-, 77-, 86-сонли мактабларнинг ҳар бирига Вазирлар Маҳкамасининг  “Ёшларни “Бир миллион дастурчи” лойиҳаси доирасида ўқитиш бўйича қўшимча чора-тадбирлар тўғрисида”ги Қарори асосида Республика бюджети маблағлари ҳисобидан 11 донадан, жами 66 дона замонавий компьютер техникалари етказиб берилди.

Шунингдек, 2022 йил август ойида 16- ва 76-сонли мактабларга хорижий тилларни ўқитишни янада самарали ташкил қилиш бўйича қиймати 23 млн. сўмлик 1 та интерактив доска ва қиймати 9,2 млн. сўмлик 2 дона ноутбук етказиб берилди.

 Мамлакатимизда ўқувчиларнинг ҳар томонлама етук, баркамол авлод бўлиб вояга етишлари учун барча шароит ва имкониятлар яратилган. Улардан эса фақатгина ўқиб билим олиш, касб-ҳунар эгаллаб Ватан корига ярайдиган муносиб авлодлар бўлиб етишишлари талаб этилади холос.

И.РажаБов, туман ХТБ мудири ўринбосари.