БОТУЛИЗИМ КАСАЛЛИГИНИНГ ОЛДИНИ ОЛИШГА ДОИР МАХСУС-ТАКТИК ЎҚУВ МАШҚИ ТАШКИЛ ЭТИЛДИ
Қорақалпоғистон Республикаси Вазирлар Кенгашининг Раиси – Фуқаро муҳофазаси бошлиғининг шу йил 14 январь кунидаги “Республика аҳолисини ва ҳудудларни фавқулодда вазиятлардан муҳофаза қилиш бўйича 2021 йилда бажарилган тадбирлар якуни ва 2022 йилдаги вазифалар тўғрисида” ги тегишли буйруғига асосан амалий махсус-тактик ўқув машқи ўтказилди.
Жорий йилнинг 9 ноябрь куни “Озиқ-овқат маҳсулотларидан оммавий заҳарланишлар билан боғлиқ касалликларнинг олдини олишда ФВДқТ тегишли хизматларининг ҳамкорликдаги ҳаракатлари” мавзусида ташкил этилган мазкур тадбирда дастлаб Дурунки маҳалла фуқаролар йиғини биносининг мажлислар залида семинар ўтказилди.
Семинарни туман Фавқулодда вазиятлар бўлими бошлиғи ўринбосари С.Бердекеев очиб берди. Семинар давомида туман СЭО ва ЖС бўлими шифокори М.Аманқулов ботулизм касаллигининг келиб чиқиш сабаблари ҳамда белгилари, уни даволаш усуллари тўғрисида тушунчалар берди. Шунингдек, йил давомида овқатдан заҳарланиш ҳолатидан шикоят қилган беморлар орасида вояга етмаган ёшлар кўпчиликни ташкил қилиши, бозорлардаги консерва маҳсулотларини харид қилишда сақланиш муддатига эътибор қаратиш, уйда қўлбола усулда помидор ва бодринглардан банка ёпишда тозаликка амал қилиш, истеъмол қилишдан олдин суви, таъми ва ҳиди ўзгармаганлиги, ўзгарган маҳсулотларни истеъмол қилмаслик кабилар тушунтирилди, ўқув машқи иштирокчиларига мавзуга оид эслатмалар тарқатилди.
Ўқув машқининг амалий қисмида бозордаги қўлбола усулда тайёрланган тузланган маҳсулотлардан истеъмол қилган фуқаронинг ўз уйида соғлиги ёмонлашгани, тез тиббий ёрдам чақирилгани, ботулизм касаллигига гумон қилиниб, туман Тиббиёт бирлашмасига олиб кетилгани, бундай беморга тиббий муолажа қилиш тартиби кўрсатиб берилди. Кейин СЭО ваЖСБ ходимлари воқеа жойини ўрганиб, қўлбола усулда тайёрланган консерва маҳсулотлардан намуналар олиб лабораторияда текширишди. Шунга кўра бозордаги сотувчилар билан профилактик суҳбатлар олиб борилиб, эслатмалар тарқатилди.
Ўқув машқига жами 57 нафар фуқаро, 4 та махсус техникалар жалб қилинди. Ўтказилган тадбир натижаларига кўра Дурунки маҳалласининг фуқаро муҳофазаси гуруҳлари “Чекланган тайёр” деб баҳоланди.
Ҳ.Матякубов, туман ФВБ бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
