НАЗАРХОН ОВУЛИДАГИ ҲОКИМ ВА ЁШЛАР УЧРАШУВИДА МУАММОЛАР ЎРГАНИЛДИ
Мамлакатимизда ёшлар ҳаётида содир бўлаётган муаммоларни ҳал қилиш, уларни касб-ҳунарга ўргатиш, фаолиятини ривожлантиришга кўмаклашиш мақсадида тизимли ишлар амалга оширилмоқда. Бунинг натижасида юзлаб ёшлар ҳаётида ижобий ўзгаришлар кузатилмоқда. Мунтазам равишда ташкил қилиб келинаётган “Ҳоким ва ёшлар” учрашуви ҳам келажак ворисларининг жамиятда ўз ўрнини топишида муҳим аҳамият касб этмоқда.
Шу мазмундаги навбатдаги учрашув Амударё туманининг Назархон овул фуқаролар йиғини биносида бўлиб ўтди. Учрашувда туман ҳокими Султонбой Йўлдашев, Президентнинг тумандаги Халқ қабулхонаси мудири Эркин Ражабов, ёшлар сиёсати, ижтимоий ривожлантириш ва манавий-маърифий ишлар бўйича ҳоким ўринбосари Маҳмуд Шерметов, Ёшлар ишлари агентлиги туман бўлими бошлиғи Сардор Исмоилов ҳамда маъсул ташкилот ходимлари томонидан ҳудуд ёшларининг муаммолари ўрганилди.
Туман ҳокими Султонбой Йўлдашев ҳамда Президентнинг тумандаги Халқ қабулхонаси мудири Эркин Ражабовлар юртимизда сўнгги пайтларда амалга оширилаётган ислоҳотлар, уларга асос бўлаётган Президент ва ҳукумат қарорларининг мазмун-моҳияти хусусида сўз юритишди. Уларнинг маънан етук, жисмонан баркамол, юрт келажагини яратишга қодир инсонлар бўлиб улғайишга чорлашди. Ёшларга яратилаётган имкониятлардан мақсадли фойдаланиб касб ўрганишга, мутахассис кадр сифатида етишишга ва энг муҳими Ватан учун керакли фарзанд бўлишга даъват этишди.
Ёшлар сиёсати, ижтимоий ривожлантириш ва манавий-маърифий ишлар бўйича ҳоким ўринбосари Маҳмуд Шерметов ҳамда Ёшлар ишлари агентлиги туман бўлими бошлиғи Сардор Исмоиловлар ёшлар ҳаётига дахлдор қабул қилинган Қонун, Фармойиш ва бошқа шу каби ҳуқуқий ҳужжатларларнинг мазмун-моҳияти ҳақида сўзлаб, туманда амалга оширилаётган ишлар хусусида маълумот беришди. “Ёшлар дафтари”га рўйхатидаги ёшлар учун амалга оширилган ишлар ҳақида айтиб ўтилди.
Маънавий-маърифий тадбирлар, интеллектуал ўйинлар, ақлий-ижодий ва жисмоний танловларда натижали иштирок этишлари уларнинг руҳан баркамол, жисмонан соғлом авлод сифатида камол топишига асос бўлиши ҳаётий мисоллар билан тушунтирилди.
Шунингдек, Ёшлар ишлари агентлиги туман бўлими томонидан кичик бизнес ва тадбиркорлик учун ёшларга кенг имкониятлар берилаётганлиги, улардан фойдаланиб ўз тадбиркорлигини йўлга қўйган ёшлар ҳақида ҳам маълумотлар берилди.
Учрашувда ёшлар ўзларини қизиқтирган саволлар, таклифлар билан фаол иштирок этишди. Ўзларини қийнаб келаётган ижтимоий муаммолар хусусида фикр ва таклифларини билдиришди.
Жараён давомида жами 7 та мурожаат келиб тушди. Мурожаат эгаларидан 4 нафарига шу жойнинг ўзида тушунтириш ишлари олиб борилди. Шунингдек, 3 нафар ёшнинг мурожаати бўйича эса тегишли мутасаддиларга ёрдам кўрсатиш топшириғи берилди.
Шоҳзод Қурбонбоев.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
