Мактаб педагогика кенгаши: У шунчаки йиғилиш эмас
Амалдаги “Мактаб педагогика кенгаши тўғрисида”ги Низомга педагогик кенгаш умумтаълим муассасаси фаолиятига доир асосий масалалар коллегиал муҳокама қилинадиган, таълим муассасасида ўқув-тарбия жараёнини ривожлантириш, такомиллаштириш, унинг фаолияти билан боғлиқ барча ташкилий масалаларни мувофиқлаштириш бўйича доимий фаолият юритадиган олий орган ҳисобланади.
Мактаб педагогика кенгаши 16 та асосий вазифаларни ўз ичига олади. Бундан ташқари кенгаш таълимга оид қонунчилик ҳужжатларига мувофиқ бошқада вазифаларни амалга ошириши мумкин. Жумладан мактаб педагогика кенгаши Вазирлар Маҳкамасининг 2019 йил 30 сентябрдаги “Умумий ўрта таълим муассасаларининг ўрнак кўрсатган ходимларини моддий рағбатлантириш тартибини такомиллаштириш тўғрисида” ги 823-қарори асосида тасдиқланган Низомда кўрсатилганидек, мактабда тузиладиган ишчи гуруҳни ўз қарори билан ҳар ўқув йилида қайтадан шакллантириш вазифасини ҳам амалга оширади.
Кенгаш мажбурий тарзда ўқув йили бошида, август ойида 1- йиғилишини ўтказади. Йиғилиш кун тартибида режа асосида мактабнинг янги ўқув йилига мўлжалланган йиллик иш режаси ва ўқув йили давомида амалга ошириладиган асосий вазифаларнинг йўналишлари белгилаб олинади. Мактаб педагог ходимларининг дарслар тақсимоти кўриб чиқилади ва тасдиқланади. Ўзбекистон Республикаси Адлия вазирлиги томонидан 2020 йил 30 июнда 3271 рақам билан рўйхатдан ўтган “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги Низом асосида мактаб метод бирлашмалари томонидан тақсимланган дарслар тақсимотини қайта кўриб чиқиш ва қайта тақсимлаш ваколатига эга.
Мактаб педагоглари ишга қабул қилинган кундан эътиборан кенгаш аъзоси ҳисобланади. Кенгаш йиғилишларига кун тартибидаги масалаларга кўра, мактаб ота-оналар қўмитаси раиси, мактаб кузатув кенгаши раиси, фуқаролар йиғини аъзолари ҳам таклиф қилиниши мумкин. Кенгаш йиғилиши унинг раиси томонидан чақирилади ва аъзоларининг учдан икки қисми ҳозир бўлганда ваколатли ҳисобланади. Баъзи ҳолатларда йиллик тасдиқланган режадан ташқари ҳам кенгаш йиғилишини чақириш зарур бўлиши мумкин. Бундай йиғилишлар навбатдан ташқари педагогика кенгаши йиғилиши деб аталади ва унда кенгаш аъзоларининг камида учдан бир қисми ҳозир бўлган вақтда ваколатли ҳисобланади. Кенгаш йиғилиши ўтказилиш куни, вақти, жойи ва кун тартибидаги масалалар бир ҳафта олдин эълон қилиниши шарт.
Мактаб педагогика кенгаши томонидан қабул қилинган қарорлар ўз аҳамиятлилиги ва таълимнинг сифат самарадорлигини таъминловчи асосий омил ҳисобланади. Унинг ижросини таъминлаш- мактаб педагоглари ва ходимларининг лавозим мажбурияти қилиб белгиланган.
Мактаб баённомалари ва қабул қилинган қарорлар педагогика кенгаш котиби томонидан махсус, шнурланган ва ҳар бир саҳифаси рақамланиб, ип ўтказиб, муҳрланган дафтарга ёзилади. Мактаб директори баённоманинг тўғри ва тўлиқ ёзилишини назорат қилиб боради ва ҳар бир баённома охирида имзоси ва мактаб муҳри билан тасдиқлайди. Кенгаш баённомаларини қайд қилиш дафтари- мактабнинг алоҳида назоратда турувчи ҳужжатлари сирасига киради ва сақланиш муддати 75 йил бўлиб ҳисобланади. Мактаб раҳбари алмашган вақтда далолатнома билан кейинги раҳбарга топширилади.
Ялғашбой Шамуратов
Ўзбекистон ва Қорақалпоғистон Республикаси Халқ таълими аълочиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
