Аҳолига солиқ имтиёзлари ҳақида кенг тушунчалар берилмоқда

Жорий йилнинг 18 январь куни 4-сектор раҳбари туман солиқ инспекцияси бошлиғи А.Сеитов Навоий ва Беруний МФЙларга бориб аҳолини Ўзбекистон Республикаси Президентининг 2022 йил 31 август кунги “Қорақалпоғистон Республикасида тадбиркорлик, инновацион технологиялар ва инфратузилмаларни жадал суръатларда ривожлантириш орқали аҳоли фаровонлигини оширишнинг қўшимча чора-тадбирлари туғрисида”ги ПФ-213-сонли фармон бўйича Қорқалпоғистон Республикасига берилган солиқ имтиёзлари ва енгиликлари ҳамда 2022 йил 30 декабрь кунги “Республика ҳудудларини тоифаларга ажратиш ва тадбиркорликни қўллаб-қувватлашнинг табақалаштирилган тизимини жорий этиш чора-тадбирлари тўғрисида”ги ПФ-287-сонли фармонларининг маъзмун моҳияти бўйича кенг тушунтиришлар берди. Жумладан, ПФ-213-сон фармонга асосан 2023 йил 1 январдан 2028 йил 1 январгача бўлган даврда: -фойда солиғи, айланмадан олинадиган солиқ, юридик шахсларнинг мол-мулкига солинадиган ва ер солиғи бўйича солиқ ставкалари 50 фоизга камайтирилади; -ижтимоий солиқ камайтирилиб 1 фоиз миқдоридаги солиқ ставкасида белгиланди; -якка тартибдаги тадбиркорлар томонидан тўланаётган ижтимоий солиқ шаҳарлар ҳудудида фаолият юритаётганлар учун 12 бароваргача, туманларда фаолият юритаётганлар учун 6 бараварга камайтирилиб, йилига базавий ҳисоблаш миқдорининг бир баробари миқдорида белгиланади. ПФ-287-сон қарор бўйича 2023 йил 1 январдан бошлаб республика туман ва шаҳарларини 5 та тоифага ажратилди. Амударё тумани 4-тоифага киритилди, бунда туманда рўйхатдан ўтган ва шу ҳудудда фаолият юритадиган тадбиркорлик субъектлари (йирик солиқ тўловчилар, доимий муассаса, бюджет ташкилоти ва давлат корхонаси, устав жамғармаси (капитали)да давлат улуши 50 фоиз ва ундан кўпроқ миқдорда бўлган юридик шахслар бундан мустасно) учун айланмадан олинадиган солиқнинг базавий солиқ ставкаси 3 фоиз этиб белгиланади. Бунда, қонунчиликда назарда тутилган ҳолларда мазкур солиқ бўйича пасайтирилган солиқ ставкалари сақлаб қолинади; г) Қорақалпоғистон Республикаси Жўқорғи Кенгеси ва халқ депутатлари вилоятлар Кенгашларига 4-тоифадаги туманлар бўйича: юридик шахсларнинг мол-мулкига солинадиган солиқ ва юридик шахслардан олинадиган ер солиғи бўйича Солиқ кодекси билан белгиланган энг кам қийматларга 0,3 гача; якка тартибдаги тадбиркорлар учун қатъий белгиланган миқдордаги жисмоний шахслардан олинадиган даромад солиғи бўйича 0,5 гача камайтирувчи коэффициент киритиш ҳуқуқи берилади.