Ёшлар ўртасида китобхонликни кенг тарғиб этишга бағишланган давра суҳбати бўлиб ўтди

Ўзбекистон Республикаси Олий Мажлиси ҳузуридаги Нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш Жамоат фонди томонидан молиялаштирилган Амударё телевидениеси таҳририятининг “Юксак маънавиятли ва аҳлоқли ёшлар − келажак пойдевори” номли грант лойиҳаси доирасида ёшларнинг бўш вақтини мазмунли ўтказишга, уларни мафкура майдонининг турли ҳуружларидан ҳимоя қилишга маънавий дунёсини бойитишга хизмат қилувчи кўплаб тадбирлар ташкил этилмоқда.

 Жумладан, яқинда ёшлар ўртасида китобхонликни кенг тарғиб қилиш мақсадида туманнинг энг намунали мактабларидан бири− 56-сонли умумтаълим мактаб ўқувчи ёшлари билан китоб танлаш маданияти бўйича давра суҳбати бўлиб ўтди.

10-синф ўқувчилари учун ташкил этилган давра суҳбатида туман ҳокимлигининг Ахборот хизмати раҳбари Фотима Эшимбетова мактабнинг маънавий ва маърифий ишлар бўйича директор ўринбосари Роҳатой Худойбергенова, она-тили ва адабиёт фани ўқитувчиси Мадина Ражабова, мактабнинг ижодий-маданий масалалар бўйича тарғиботчиси Алламберган Жуманиязовлар иштирок этишди.

Туман ҳокимлигининг Ахборот хизмати раҳбари Фотима Эшимбетова ўқувчиларга китоб фақат инсонни эзгуликка чорлашини, кўп китоб ўқиган инсондан асло ёмонлик чиқмаслигини, инсоннинг нутқи равон, ва фикрлаш қобилияти кенг бўлишини айтиб ўтди.

Дарҳақиқат, бугуни кунда ёшларни турли ёт ва бузғунчи ғоялардан асраш, уларнинг онгида ёвуз мафкураларга қарши иммунитетни мустаҳкамлашнинг энг самарали усулларидан бири сифатида кўпроқ китоб ўқиш ва интернетдан тўғри фойдаланишдир.

Китоб ҳар бир инсон учун содиқ дўст. Китоб орқали у эртакми, романми, ривоятми ёки ҳақиқаттан олинган ҳаётий воқеалар туширилган асарми? буларнинг бариси яхшилик сари етаклашини билиб оламиз.

Айниқса, воқеаликларнинг барчасида бир хақиқат ғолиблиги, китобхон иродасини мустахкамлайди.

Тарихий китоблар ёки тарихий воқеалар тафсилотидаги асарлар орқали китобхон ёшлар нима қилганда нималар бўлиши, қандай ишлардан қандай воқеалар келиб чиқиши, нималарга олиб келишини ўрганади. Китоб уларга ҳаётий сабоқ бериб, маънавиятини ошириб боради.

Давра суҳбати давомида ўқувчилар сўнгги пайтда ўзлари севиб ўқиган бадиий асарлардан чиқарган хулосалари билан ўртоқлашдилар.

Ўқувчилардан кимдир Пиримқул Қодировнинг “Юлдузли тунлар” асари катта таассурот қолдирганини айтса, яна кимдир Ўткир Ҳошимовнинг “Дунёнинг ишлари” қиссасини қайта-қайта мутолаа қилиб ўз онаси тимсолини кўрганлигини айтиб ўтди.

Давра суҳбати бахс-мунозарага бой тарза қизиқарли бўлиб ўтди. Ўқитувчилар ўқувчиларга кўпроқ бадиий китоб ўқишлари лозимлигини ана шундагина нутқи равон ва фикрлаш доираси кенг бўлишини тушунтириб бугунги кунда яратилатган, жаҳон ва ўзбек адабиёти дурдоналаридан ўқиш учун энг қизиқарли асарларни тавсия қилишди.

Фотима Эшимбетова.