10-сонли мактабда “Ниҳол” тўгараги аъзолари иштирокида тадбир бўлиб ўтди

Маълумки, умумий ўрта таълим муассасаларида асосий дарс машғулотларидан сўнг ўқувчиларнинг бўш вақтларини мазмунли ташкил этиш мақсадида тўгараклар ташкил этилган. Дарсдан ташқари ўқув машғулотлари ўқувчиларнинг билимини мустаҳкамлашга, тўгарак ташкил этилган фанни янада чуқур ўзлаштиришга ёрдам беради.

Амударё тумани Мактабгача ва мактаб таълими бўлимига қарашли 10-сонли умумтаълим мактабида “Ниҳол” тўгараги аъзолари иштирокида “Тафаккур жавоҳири” номли тадбир ташкил этилди. Тўгарак раҳбари Райҳон Палвонова ташаббуси билан ўтказилган мазкур тадбирда 5-, 7- синф ўқувчилари фаол иштирок этишди.

Тадбир тўгарак аъзолари ижросидаги “Баркамол авлод” қўшиғи билан бошланди. Шундан сўнг, 5-“А” синф ўқувчилари томошабинларга китоб ҳақида ёд олган шеърларини ўқиб эшиттирдилар. Айниқса, тўгарак аъзолари томонидан саҳналаштирилган “Болага китоб беринг!” саҳна кўриниши йиғилганларда катта таассурот қолдирди.

Шундан сўнг, 5-“Б” синф ўқувчилари бадиий асарлар ҳақида ёзилган гўзал шеърларини айтиб ўқувчиларни китобхон бўлишга, бўш вақтини бекорга ўтказмасликка чорладилар. Тўгарак аъзолари томонидан ижро этилган “Фарғонача рақс” барчага ўзгача хуш кайфият ва кўтаринки руҳ бахш этди.

Тадбирда китобхонликни кенг тарғиб қилиш мақсадида ижро этилган ҳар бир саҳна кўриниш ўқувчиларга олам-олам тассурот бағишлади.  

Тадбир якунида ўқувчилар она ватанни, тинчликни, дўстликни тараннум этувчи “Яшна, Ўзбекистон!” қўшиғини ижро этишиб, рақсга тушдилар.

Шу ўринда айтиш керакки, ўқувчилар тўгаракда фақатгина адабиёт намоёндоларининг ижод маҳсулларидан баҳра олмасдан, миллий урф-одатларимиз, қадимий куй-қўшиқларимиз, халқ ўйинлари, лапар ва айтишувлардан ҳам намуналар ёд олишади.

Тўгарак раҳбари Райҳон Палвонова тўгаракнинг ҳар бир аъзоси билан алоҳида шуғулланиб, дарсдан бўш пайтларида турли тадбир ва беллашувлар ташкил этиб, уларнинг бўш вақти мазмунли ташкил этилишига катта ҳисса қўшиб келмоқда.

Синфдан ташқари машғулотларнинг асосий мақсади – дастур ва дарсликлардан ташқари ўқувчиларни қўшимча билим, кўникма ва малакаларини ошишига ҳамда уларнинг фан соҳасидаги билимларини чуқурлаштиришга ва касб танлашларига ёрдам беришга қаратилган.

Айниқса, адабиёт фани тўгараклари ўқувчиларнинг нутқнини ривожлантиришга, мустақил фикрлашга ўргатиб, тенгдошлари билан дўстона муносабатларини мустаҳкамлашга хизмат қилади. Шунингдек, тўгараклар таълимдаги самарадорликни оширишга фанларни чуқур ўзлаштиршга, педагогнинг маҳорати ўсишига ҳам ёрдам беради.

10-сонли мактабада “Ниҳол” тўгараги аъзолари иштирокида ташкил этилган ушбу тўгарак ҳам айни шу мақсадларни амалга оширишга қаратилгани билан янада аҳамиятди бўлди.

Туман ҳокимлигининг Ахборот хизмати.