ДУБАЙ ШАҲРИДА БЎЛИБ ЎТАДИГАН МЕНТАЛЬ АРИФМЕТИКА МУСОБАҚАСИДА АМУДАРЁЛИК ЁШ МАТЕМАТИКЛАР ҲАМ ҚАТНАШИШАДИ
Амударё туманидаги Мактабгача ва мактаб таълими бўлимига қарашли “Баркамол авлод” болалар мактабининг “Менталь арифметика” тўгараги аъзолари 7-8 май кунлари Бирлашган Араб Амирлигининг Дубай шаҳрида бўлиб ўтадиган бутун дунё миқёсидаги менталь арифметика мусобақасига йўлланмани қўлга киритдилар.
Тўгарак аъзолари ўтган йилнинг 15 июль куни Самарқанд шаҳрида Интеллектуал тренерлар ҳамдўстлиги НТМ томонидан ёшлар билим самарадорлигини ошириш, ақлий салоҳиятларини мустаҳкамлаш, қобилиятларини намоён қилишлари учун зарур шарт-шароитлар яратиш, билим даражасини аниқлаш мақсадида ўтказилган “Арифметика-2023” вилоятлараро олимпиадасида иштирок этиб, олий ўринларни эгаллашган ва Тошкент шаҳрига йўлланмани қўлга киритишган эди.
2024 йил 6 январь куни ушбу мусобақада ғолиб бўлган “Баркамол авлод” болалар мактаби ва 28-сонли мактабдаги “Менталь арифметика” тўгарагининг 24 нафар аъзолари Тошкент шаҳридаги “SIRIUS” ўқув маркази ҳамда Низомий номидаги Тошкент давлат педагогика университети ҳамкорлигида менталь арифметика бўйича Халқаро мусобақада қатнашишди. Халқаро мусобақада муваффақиятли иштирок этган амударёлик ёш математиклардан 5 нафари олий ўринни, 14 нафари 1-ўринни, 2 нафари 2-ўринни ва 3 нафари 3-ўринни қўлга киритишга муваффақ бўлдилар. Уларга мусобақа ташкилотчилари томонидан кубок, медаль ва дипломлар топширилди. Шунингдек, тўгарак раҳбарлари Сурайё Тўрамуродова, Дилбар Еримбетова, Фазилат Камоловалар ҳам менталь арифметика бўйича республика ва халқаро олимпиадалардаги фаоллиги, ўқувчиларининг натижали кўрсаткичлари учун диплом ва медаллар билан тақдирланишди.
Олий ўринни эгаллаган тўгарак аъзолари Миржалол Жумабаев, Дилафрўз Баҳодирова, Расулбек Қўчқоров, Айдос Ялғашов, Умида Маматжоновалар 7-8 май кунлари Бирлашган Араб Амирлигининг Дубай шаҳрида бўлиб ўтадиган бутун дунё миқёсидаги менталь арифметика мусобақасига йўлланмани қўлга киритгани нафақат туман “Баркамол авлод” болалар мактаби ўқитувчи ва ўқувчилари учун, балки бутун туманимиз учун катта ютуқ бўлди.
“Баркамол авлод” болалар мактабининг ғолибларига Дубай шаҳрида ўтказиладиган менталь арифметика мусобақасида ҳам омад ёр бўлишини, уларнинг муваффақиятли иштирок этиб, олий ўринлар эгалари бўлишларини тилаб қоламиз.
Муҳайё Артиқбоева, “Баркамол авлод” болалар мактаби директори ўринбосари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
