Халқ депутатлари туман Кенгаши депутатлари иштирокида Президент фармони мазмун-моҳиятини тушунтириш бўйича йиғилиш бўлиб ўтди
Мамлакатимизда сўнгги йилларда халқ депутатлари маҳаллий Кенгашларининг ҳудудларни ижтимоий-иқтисодий ривожлантириш, аҳолини ижтимоий ҳимоя қилишга оид долзарб масалаларни ҳал қилиш бўйича ваколатлари кенгайтирилиб, халқ ҳокимиятчилигини тўлақонли рўёбга чиқариш борасида кенг қамровли ислоҳотлар амалга оширилмоқда.
Жорий йилнинг 2 февраль санасида имзоланган Ўзбекистон Республикаси Президентининг “Маҳаллий давлат ҳокимияти органлари фаолиятининг самарадорлигини ошириш чора-тадбирлари тўғрисида”ги фармони бу борадаги ишларни янги босқичга олиб чиқишда муҳим дастурурламал бўлиб хизмат қилади.
Маҳаллий давлат ҳокимияти вакиллик органи ва ижро этувчи ҳокимият органи фаолиятини янада такомиллаштириш бўйича Амударё туманида ҳам тизимли ишлар амалга оширилмоқда. 13 февраль куни тумандаги ихтисослаштирилган мактабнинг фаоллар залида бу борадаги ишларни янги босқичга олиб чиқишни кўзда тутувчи “Маҳаллий давлат ҳокимияти органлари фаолиятининг самарадорлигини ошириш чора-тадбирлари тўғрисида”ги Президент фармони мазмун-моҳияти юзасидан йиғилиш бўлиб ўтди.
Халқ депутатлари туман Кенгаши депутатлари ҳамда фуқаролар иштирокида булиб ўтган йигилишда Фармон мазмун-моҳияти, ҳужжатда кўзда тутилган мақсад ва вазифалар ҳақида батафсил тушунтиришлар берилди.
Йиғилишда халқ депутатлари туман Кенгаши депутати Муқаддас Бекназарова сўзга чиқди. У ўз сўзида мазкур фармон билан маҳаллий Кенгашларнинг назорат фаолиятини кучайтиришга қаратилган ҳуқуқий асослар яратилганлиги, маҳаллий ижро этувчи ҳокимият органларининг фаолияти устидан халқ депутатлари Кенгашларининг назорат функцияларини кенгайтириш мақсадида уларга ўндан ортиқ қўшимча ваколатлар берилганлиги, хусусан, прокуратура, адлия, ички ишлар, молия, солиқ, экология ва соғлиқни сақлаш органлари раҳбарларининг ҳисобдорлиги белгилаб қўйилганлигини алоҳида таъкидлаб ўтди.
Шунингдек, халқ депутатлари туман Кенгаши депутати Муяссар Раҳматуллаева мазкур Фармон билан янги таҳрирдаги Ўзбекистон Республикаси Конституциясида белгиланган ҳокимлар ва халқ депутатлари Кенгашлари ваколатлари тақсимланишига асосланган давлат ҳокимиятини ташкил этишнинг янги моделини тўлиқ амалга ошириш, маҳаллий Кенгашларнинг давлат ва жамият бошқарувидаги ролини кучайтириш, маҳаллий давлат ҳокимиятини янгича конституциявий-ҳуқуқий шароитларда йўлга қўйиш мақсадида қатор вазифалар кўзда тутилгани хусусида сўз юртиди.
Келтирилишича, ҳужжатда маҳаллий Кенгашлар зиммасига вазифа ва функциялар фақатгина қонун ҳужжатлари билан юкланиши, давлат ҳокимияти ва бошқаруви органлари томонидан маҳаллий Кенгашлар фаолиятига аралашишга йўл қўйилмаслиги белгиланган.
Йиғилишда Фармонда белгиланган жамият ва давлат ҳаётининг муҳим масалаларини ҳал этишда маҳаллий давлат ҳокимияти вакиллик органларининг ролини ошириш мақсадида халқ депутатлари маҳаллий Кенгашларига берилган қатор янги ваколатлар ҳақида кенг тушунтиришлар берилди. Қолаверса, йиғилиш иштирокчилари маҳаллий давлат ҳокимияти органлари фаолиятини “Кучли Кенгаш, ҳисобдор ва ташаббускор ҳоким” тамойили асосида ташкил этиш юзасидан қонунчилик ҳужжатларини такомиллаштириш бўйича “Йўл харитаси” билан ҳам батафсил таништирилди.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
