Энергия самарадорлиги ва энергия тежамкорлиги – тараққиёт асоси
Сўнгги йилларда мамлакатимизда мавжуд ресурсларни ва ишга солинмаган салоҳиятни жалб этиш орқали энергия самарадорлигини ошириш, энергия тежовчи технологиялар ва қайта тикланувчи энергия манбаларини кенг жорий этиш, иқтисодиёт тармоқлари ва ижтимоий соҳанинг энергия сарфи ҳажмини кескин камайтириш, шунингдек, ёқилғи-энергетика ресурсларидан оқилона ва самарали фойдаланишни таъминлашга алоҳида эътибор қаратилиб, бу борада тизимли ишлар амалга оширилмоқда. Амударё туманида ташкил этилган семинарда ҳам шу каби муҳим масалалар муҳокама қилинди.
Туманимизнинг Тошқалъа маҳалласида республика миқёсидаги масъул раҳбарлар иштирокида бўлиб ўтган семинарда энергия самарадорлигига эришиш, энергия тежамкор воситалардан фойдаланиш, аҳоли турмуш шароитларини яхшилаш, камбағалликни қисқартириш, тадбиркорликни ривожлантириш каби масалалар хусусида сўз юритилди.
Семинарда Республикадаги шаҳар ва туманлар ҳокимларининг ўринбосарлари, тижорат банклари масъуллари, ташкилотларлар раҳбарлари ҳамда аҳоли вакиллари иштирок этди. Унда масъуллар томонидан энергия тежамкорлиги бугуннинг энг аҳамиятли масаласи эканлиги, мавжуд ресурслардан самарали фойдаланиш, қолаверса, аҳоли бандлигини таъминлаш, янги иш ўринларини яратиш, тадбиркорликни ривожлантириш учун яратилаётган имкониятлар хусусида атрофлича маълумотлар берилди.
Таъкидланганидек, хоналарининг эшик ва дераза ромлари қишда иссиқ, ёзда совуқ ҳароратни сақлаш учун изоляция қилинган бўлиши, энергия тежамкор маиший техника ва ёритиш ускуналаридан фойдаланиш – энергия самарадорлиги учун дастлабки қадам ҳисобланади. Шунингдек, табиий ва суюлтирилган газдан тежамкорлик билан фойдаланиб, юқори самарадорликка эришиш мумкин. Иситиш ва совитиш жиҳозларидан ҳам тўғри, оқилона фойдаланиш – ресурсларни тежашга ва энг муҳими оила харажатларини минималлаштиришга хизмат қилади.
Семинарда бино-иншоотларни, хонадонларни лойиҳалаштиришда қурилиш материалларини тўғри танлаш, жиҳозлаш жараёнида ҳам энергия ресурсларидан самарали фойдаланишга алоҳида эътибор қаратиш лозимлиги таъкидланди ва тегишли тавсиялар берилди.
Дарҳақиқат, мавжуд энергия ресурсларидан тежамкорлик билан фойдаланиш – давр талаби. Масалан, фойдаланилмаётган электр жиҳозлари ва ёритиш ускуналарини тармоқдан узиб қўйиш, яъни офис ёки яшаш хоналаридан чиқаётганда электр жиҳозларини кутиш режимида қолдирмасдан, уларни ўчириб, тармоқдан узиш орқали ҳам тежамкорликка ҳисса қўшиш мумкин. Шунингдек, иш жойи ва хонадонларни кўпроқ табиий ёруғликдан яъни қуёш нуридан фойдаланган ҳолда ёритишга алоҳида эътибор қаратиш зарур.
Семинарда бундан ташқари камбағаллик даражасини қисқартиришда аҳоли томорқаларидан унумли фойдаланиш, уй шароитида деҳқончиликни ривожлантириш, бу борадаги билимларни янада ошириш лозимлиги таъкидланди. Тадбиркорлини ривожлантириш борасидаги янги имкониятлар, ёшларни, хотин-қизларни касб-ҳунарга ўқитиш масалаларига ҳам алоҳида тўхталиб ўтилди.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
