“Нодавлат нотижорат ташкилотлари уйи”да “Очиқ эшиклар куни” тадбири ўтказилди
Сўнгги йилларда юртимизда фуқаролик жамиятини ривожлантириш, жумладан, нодавлат нотижорат ташкилотлари фаолиятини қўллаб-қувватлашга қаратилган тизимли ислоҳотлар амалга оширилмоқда. Мамлакат ижтимоий-сиёсий ҳаётида ННТларнинг ўрни ва таъсири тобора ортиб бормоқда. Улар жамиятдаги долзарб муаммоларни кенг жамоатчиликка етказиш, фуқароларнинг ҳуқуқий билимини юксалтириш, аҳолининг фаоллигини ошириш, атроф-муҳит муҳофазаси, таълим ва тиббиёт каби қатор соҳаларда муҳим ташаббусларни илгари сурмоқда.
Ана шундай жараёнда ННТларнинг ҳуқуқий билим ва маслаҳатларга бўлган эҳтиёжини қондириш, уларнинг фаолиятида учраётган муаммоларни ўрганиш ва ечим топиш мақсадида Қорақалпоғистон Республикасида “Очиқ эшиклар куни” тадбири ўтказилди.
Нукус шаҳридаги “Нодавлат нотижорат ташкилотлари уйи”да ташкил этилган мазкур тадбир Ўзбекистон нодавлат нотижорат ташкилотлари миллий ассоциациясининг Қорақалпоғистон ҳудудий бўлинмаси ҳамда “Мадад” ННТ Нукус шаҳар ҳуқуқий бюроси ҳамкорлигида амалга оширилди. Тадбирда Қорақалпоғистонда фаолият юритаётган бир қатор ННТлар, фуқаролик жамияти институтлари ва фаол фуқаролар иштирок этди.
Очиқ мулоқот шаклида ўтган тадбирда иштирокчилар ўзларини қийнаб келаётган муаммолар юзасидан бевосита мутахассислардан ҳуқуқий маслаҳатлар олиш имконига эга бўлишди. Хусусан, ННТлар томонидан ҳуқуқбузарлик ҳолатлари аниқланганида юзага келадиган жавобгарлик масалалари, ҳисоботларни тўғри ва шаффоф юритиш, фаолиятлари билан боғлиқ ҳужжатларни расмийлаштириш, давлат томонидан белгиланган имтиёзлар ва бошқа қонуний меъёрлар ҳақида батафсил тушунтиришлар берилди.
“Очиқ эшиклар куни” тадбири иштирокчилари ННТ фаолиятида учрайдиган ҳуқуқий муаммолар юзасидан якка тартибда маслаҳат олиш имкониятига эга бўлдилар. Шунингдек, иштирокчиларга қонунчиликдаги янгиликлар, давлат томонидан тақдим этиладиган имтиёзлар ва қўллаб-қувватлаш механизмлари ҳақида батафсил маълумотлар берилди. Тадбир доирасида мутахассислар томонидан ҳуқуқбузарликлар содир этилишининг олдини олиш, ҳисоботларни тайёрлаш ва юритишда йўл қўйиладиган хатолар ва уларни бартараф этиш йўллари борасида ҳам тавсиялар тақдим этилди.
Мазкур тадбир ННТларнинг фаолиятини янада самарали йўлга қўйиш, ҳуқуқий асослардан тўғри фойдаланиш ва уларнинг жамиятдаги ролини мустаҳкамлашда муҳим қадам бўлди. Фуқаролик жамиятини шакллантиришда, инсон ҳуқуқларини ҳимоя қилишда, ижтимоий адолатни таъминлашда нодавлат нотижорат ташкилотларининг иштироки тобора муҳим аҳамият касб этмоқда.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
