ТУМАН ҲОКИМИ ОЛИМПИАДАСИ ЎТКАЗИЛДИ
Мамлакатимиз таълим тизимида, айниқса, мактаб таълими соҳасида изчил ислоҳотлар олиб борилмоқда. Жумладан, таълимнинг барча босқичларига замонавий ёндашувларни жорий этиш, ёшларнинг салоҳиятини рўёбга чиқариш бўйича устувор вазифалар белгиланиб, амалга оширилмоқда. Бу каби чоралар ёшларнинг ижтимоий фаоллигини ошириш, билим ва кўникмаларини янада ривожлантириш, маданий-маънавий савиясини юксалтиришга хизмат қилмоқда.
Айнан ана шу йўналишдаги ишларни юқори сифат даражасига кўтариш, билимдон ёшларни кашф этиш мақсадида Амударё тумани Мактабгача ва мактаб таълими бўлими ҳамда “Brighton school” ўқув маркази ҳамкорлигида тумандаги умумий ўрта таълим мактабларининг 3-9-синф ўқувчилари ўртасида инглиз тили фанидан туман ҳокими олимпиадаси ташкил қилинди. Олимпиадада тумандаги 86 та умумтаълим мактабларидан 1200 нафар ўқувчи иштирок этди.
Ҳоким олимпиадасининг очилиш маросимида Амударё туман Мактабгача ва мактаб таълими бўлими мудири Ялғашбой Шамуратов сўзга чиқиб, ўқувчилар ўртасида бундай олимпиадаларни ўтказиш уларнинг иқтидори ва билим даражасини аниқлаш ҳамда чекка ҳудудларда ўқув марказлари ташкил қилишга асос бўлишини таъкидлаб ўтди. Қолаверса, ҳоким олимпиадасини ўтказишдаги энг асосий мақсад алоҳида қобилиятли ўқувчиларнинг иқтидорларини юзага чиқаришлари учун зарур шароитлар яратиш эканлиги алоҳида қайд қилинди.
“Brighton school” ўқув маркази директори Нурбек Жуманиёзов ўқувчиларга олимпиаданинг ўтказилиш тартиби ҳақида батафсил тушунчалар берди ва иштирокчиларга муваффақиятлар тилади.
Бу каби олимпиадалар ўтказилиши таълим муассасалари ўқувчилари орасидан инглиз тили бўйича билимли, ушбу фанга қизиқувчи, интилувчан ва ижодкор ёшларни аниқлаш, уларнинг ижодий қобилиятларини рўёбга чиқаришга кўмаклашиш, қўллаб-қувватлаш ҳамда рағбатлантириш билан бир қаторда ўсиб келаётган ёш авлоднинг келгусида халқаро миқёсда ташкил қилинадиган фан олимпиадаларида иштирок этишлари учун мустаҳкам замин яратади. Шунингдек, нуфузли халқаро олимпиадаларда Ўзбекистон жамоасининг натижадорлигини ошириш мақсадида ёш билимдонларни тайёрлаб бориш имконини ҳам беради.
Айтиш жоизки, ҳозирги глобаллашув даврида инглиз тили дунё миқёсида энг нуфузли ва кенг тарқалган тиллардан бирига айланган. У халқаро алоқалар, илм-фан, технология, бизнес, маданият соҳалари ва интернет майдонида асосий мулоқот воситаси ҳисобланади. Дунё аҳолисининг катта қисми инглиз тилини билиши туфайли мамлакатлар ўртасидаги ҳамкорлик ва тажриба алмашиш самарали амалга ошмоқда. Шунингдек, замонавий билимлар ва илмий манбаларнинг асосий қисми айнан инглиз тилида яратилмоқда.
Шу сабабли ҳам мамлакатимизда чет тиллари, хусусан инглиз тилини ўқитишга алоҳида эътибор қаратилмоқда. Мактабларда эрта ёшдан бошлаб бу тилни ўргатиш орқали ёш авлоднинг дунёқарашини кенгайтириш, уларни халқаро майдонда рақобатбардош кадр қилиб тарбиялаш мақсад қилинган. Инглиз тилини яхши ўзлаштирган ўқувчилар хорижий адабиётлардан фойдаланиш, нуфузли университетларда таҳсил олиш ва замонавий технологияларни тез ўзлаштириш имкониятига эга бўладилар.
Шу жиҳатдан, Амударё тумани ҳокимлиги ва хусусий ўқув маркази ҳамкорлигида ташкил қилинган олимпиада мактабларда инглиз тилини ўқитиш даражасини синовдан ўтказиш ва келгусида бу борадаги кўрсаткичларни туманнинг энг олис ҳудудидаги мактабларда ҳам яхшилаш чораларини кўришга замин яратади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
