ГИЁҲВАНД ЖАЗОГА ТОРТИЛДИ
Гиёҳвандлик инсонни залолатга етакловчи, оғир оқибатларга олиб келувчи иллатдир. Ушбу иллат туфайли ёш умрлар хазон бўлиб, гўдакларга ногиронлик тамғаси босилади, оилалар барбод бўлади.
Фермер хўжалиги ташкил этиб, бинойидеккина ишлаб юрган Каримжон (исмлар ўзгартирилган) бирдан ўзгариб қолди. Ўзига нотаниш бўлган моддани аввал шунчаки қизиқиб, истеъмол қилиб кўрди. Сўнг шунчалик қаттиқ ўргандики, усиз туролмайдиган бўлди.
Аммо ҳар ишнинг охири бўлганидек, унинг ҳам қилмиши ошкор бўлди. Кечки пайт ўзига тегишли бўлмаган автомашинада яқинда учратган таниши билан биргаликда гиёҳванд воситаси героин моддасини ўтказиш мақсадини кўзламай, қонунга хилоф равишда тайёрламоқчи ва истеъмол қилмоқчи бўлган пайтида қўлга тушди.
Автомашина тегишли тартибда кўздан кечирилганида, бир дона оқ политилен пакет ичига оқ-кўк чизиқли оқ рангли қоғоз бўлагига ўралган қаймоқ рангли ўткир ҳидли кукунсимон модда, тиббиёт шприци ичига солинган қаймоқ рангли ўткир ҳидли кукунсимон восита ва қоғоз бўлагига ўралган қаймоқ рангли ўткир ҳидли кукунсимон модда ҳамда пуллар борлиги аниқланди.
Ўтказилган суд-кимёвий экспертизасининг хулосасига кўра, бу моддалар героин моддаси деб аталиши ва унинг соф оғирлиги 0,41 граммга тенглиги маълум бўлди ва Каримжоннинг гиёҳванд модда қабул қилиб келганлиги ҳам ўз тасдиғини топди.
Шунга мувофиқ, Каримжон ўзининг юқоридаги жиноий ҳаракатлари билан Ўзбекистон Республикаси ЖКнинг тегишли моддасида кўрсатилган жиноятни қасддан содир қилганликда айбланди.
Жиноий ишлар бўйича Тўрткўл туманида бўлиб ўтган очиқ суд мажлисида Каримжонга 4 йил муддатга озодликдан маҳрум қилиш жазоси тайинланди.
С. Давлетмуродов, Қорақалпоғистон Республикаси суди судьяси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
