ДЎРМАНДА САЙЁР ҚАБУЛ ЎТКАЗИЛДИ
Кейинги йилларда мамлакатимизда инсон шаънини улуғлаш, унинг қадрини юксалтириш ва манфаатларини ҳимоя қилишга улкан эътибор қаратилмоқда. Бугунги кунга келиб, барча давлат идоралари фаолиятида аҳоли мурожаатлари билан ишлаш бўйича сифат жиҳатидан мутлақо янги тизим яратилди. Жойларда ўтказилаётган сайёр қабуллар халқнинг дардини эшитиш, уларнинг турмушидаги муаммоларини аниқлаб, жойида ҳал этишда муҳим аҳамият касб этмоқда. Бунингдек жараёнларда давлатимиз раҳбарининг “Халқ давлат органларига эмас, балки, давлат органлари халқимизга хизмат қилиши керак” дея таъкидлаган топшириғи ўзининг яққол ифодасини топаяпти, халқ билан юзма-юз мулоқот қилиш, уларнинг дардига қулоқ тутиш, шу орқали юртимиз аҳолисининг розилигига эришиш ҳар бир соҳа раҳбарларининг бош вазифасига айланган.
Айтиш жоизки, ўтказилаётган сайёр қабуллар жараёнида одамларнинг ҳаётга кўз қараши, муносабати ўзгараётгани яққол намоён бўлмоқда.
Яқинда Амударё туманининг чекка ҳудудларидан бири – Дўрман овулида Қорақалпоғистон Республикаси прокурорининг топшириғи асосида Қорақалпоғистон Республикаси прокурорининг ўринбосари Ойбек Шамуратов бошчилигида ўтказилган сайёр қабулда ҳам бу ўзининг яққол ифодасини топди.
Сайёр қабулда тумандаги секторлар раҳбарлари, ҳуқуқни муҳофаза қилувчи органлар масъуллари, Дўрман овул фуқаролар йиғини раиси ва барча масъуллари, тегишли муассаса ва ташкилотлар раҳбарлари, аҳоли вакиллари иштирок этдилар.
Сайёр қабулга ташриф буюрган дўрманликларга дастлаб аҳолининг эмин-эркин, фаровон бахтиёр яшаши, давлатимизнинг фуқаролар ҳуқуқлари ва қонуний манфаатларини ҳимоя қилиш борасидаги сиёсати, барча жабҳаларда шу жумладан суд-ҳуқуқ соҳасида амалга оширилаётган ислоҳотлар ва шу асосда аҳолининг бахтиёр яшашига эришиш йўлида амалга оширилаётган саъй-ҳаракатлар хусусида кенг тушунча берилди. Шунингдек, ҳар бир фуқаро ўз ҳаёти давомида мамлакатимизда амалдаги қонун-қоидаларни ҳурмат қилиши, бўйсуниши лозимлиги таъкидланди.
Шундан сўнг аҳолининг мурожаатлари тингланди. Тадбир давомида 13 нафар шахслар ижтимоий соҳага оид муаммолари юзасидан мурожаат қилдилар. Ушбу мурожаатларнинг барчаси юзасидан фуқароларга тушунтиришлар берилиб, кўриб чиқиш учун назоратга олинди.
Бу каби сайёр қабуллар Республикамизнинг барча ҳудудларида ўтказилиб, аҳоли турмушидаги муаммолар аниқланмоқда, имкон қадар жойида ҳал қилинмоқда ва ўрганиш талаб этиладиган мурожаатлар назоратга олинмоқда.
Дўрман овулидаги 84-сонли мактаб биносида бўлиб ўтган сайёр қабул ҳам аҳолининг ҳуқуқий маданияти ошишига, эртаги кунга ишончи ортишига сабаб бўлди.
Қисқа қилиб айтганда, бугунги кунда юртдошларимиз ҳаётий муаммолар гирдобида қолиб, якка ўзи қийналмайди, унинг дардини эшитадиган муаммоларини ҳал қиладиган давлат идоралари бор. Сайёр қабуллар бу борада энг самарали усул эканлиги барчага аён. Эътироф этиш жоизки, одамларнинг ўз ҳаётидан рози бўлиб яшашларига эришиш – давлатимиз сиёсатининг бош мақсадига айланган.
Ойгул РАЖАБОВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
