Манзилли қўллаб-қувватлаш дафтарларига киритилган хотин-қизларга бўш иш ўринлари ҳақида маълумот берилди
Амударё туманида фаолият юритаётган “Жайхун илҳомлари” нодавлат нотижорат ташкилоти Қорақалпоғистон Республикаси Жўқорғи Кенгеси ҳузуридаги Жамоат фонди томонидан молиялаштирилган “Беш ташаббус – беш имконият!” номли грант лойиҳаси доирасида туман аҳолисининг маънавиятини юксалтириш, истеъдодли ёшларни юзага чиқариш, оммага таништириш, ёшларни турли зарарли иллатлардан ишончли ҳимоя қилиш борасида кенг кўламли ишларни амалга ошириб келмоқда. Бунда айниқса манзилли қўллаб-қувватлаш дафтарларига киритилган ёшларни, мактаб ўқувчиларини, аёлларни лойиҳа доирасидаги тадбирларга кенг жалб қилишга эътибор қаратилмоқда.
Президентимиз томонидан илгари сурилган Беш муҳим ташаббусни ёшлар ҳаётига янада кенгроқ татбиқ қилиш мақсадида мактабларда компьютер технологияси бўйича очиқ дарслар, иншолар танловлари, спорт тадбирлари, “Китоблар карвони” акциялари ўтказилиб, ўқувчилар иштирокида тарихий жойларга саёҳатлар уюштирилмоқда.
Бешинчи ташаббус доирасида манзилли қўллаб-қувватлаш дафтарларига киритилган хотин-қизларни иш билан таъминлашга кўмаклашиш мақсадида уларнинг Аҳоли бандлигига кўмаклашиш маркази ҳамда вакант иш ўрни мавжуд бўлган муассаса, корхона ва ташкилотлар раҳбарлари билан учрашувларни ташкил қилинмоқда. Грант лойиҳаси доирасида Беруний номли маҳалла аҳолиси билан ўтказилган учрашув ҳам шулар жумласидандир.
Учрашувни маҳалла фуқаролар йиғини хотин-қизлар фаоли Маҳфуза Иброҳимова кириш сўзи билан очди. Ҳозирги кунда туман бўйича 5365 нафар аёл-қизлар “Аёллар дафтари”га киритилган бўлса, уларнинг 70-80 фоизига ҳар томонлама ёрдамлар кўрсатилган. Беруний номли маҳалла фуқаролар йиғинида эса 110 нафар аёл-қизлар “Аёллар дафтари”га киритилган бўлиб уларнинг 95 фоизига ижтимоий-ёрдамлар кўрсатилган. Уларнинг кўпчилигига ишсизлик нафақаси тайинланган. 5 нафар аёлнинг уй ижара ҳақи тўлаб берилган. Кўпчилик аёл-қизларга бир марталик ёрдам кўрсатилган. Аёл-қизларнинг иш билан бандлигини таъминлаш мақсадида тикувчилик, кондитер маҳсулотлари ишлаб чиқаришга жалб қилинган. Компьютер саводхонлиги, моно марказ ташкил қилинган.
Учрашувда “Тараққиёт кўзгуси” газетаси мухбири Озода Худойберганова туманимизда аёл-қизларга нисбатан кўрсатилаётган катта эътибор ҳақида гапирди. “Жайхун илҳомлари” нодавлат нотижорат ташкилоти раиси Ўрозали Рейимов бу йўналишда хизмат қилувчи ташкилотлар томонидан олиб борилаётган ишларга алоҳида тўхталиб ўтди.
Туман камбағалликни қисқартириш ва бандликка кўмаклашиш маркази мутахассислари Шахноза Юсупова, Моҳира Озодбоевалар эса туманда аёл-қизлар бандлигини таъминлаш борасида олиб борилаётган ишлар ҳақида ахборот бериб, учрашув иштирокчиларининг саволларига жавоб бердилар.
Учрашув қатнашувчилари туманимизда ҳозирги кунда камбағалликни қисқартириш ва бандликка кўмаклашиш борасида амалга оширилаётган ишлардан бохабар бўлиб, келгусида ўзларига мос иш ўринларига жойлашиш бўйича масъуллардан маслаҳатлар олдилар.
Ўрозали РЕЙИМОВ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
