ТЕНГДОШЛАР ХОРИЖИЙ ТИЛЛАРНИ ЎРГАНИШ БОРАСИДА СУҲБАТЛАШДИ
Тил билган – эл билади, дейди халқимиз. Чиндан-да хорижий тилларни билиш кишига кўп имкониятлар яратади. Шунинг учун бугунги кунда юртимизда кадрлар зиммасига қўйиладиган асосий талаблардан бири чет тилларни мукаммал билишдир.
Шу боисдан ҳам мамлакатимизда хорижий тилларни ёш авлодга ўргатишга улкан эътибор қаратилмоқда. Натижада ёшларга бу борада етарли шароитлар яратилди, ўқув дастурлари ва дарсликлар замон талабларига жавоб берадиган даражада мукаммаллаштирилди, таълим тизимининг барча босқичларида чет тилларни узлуксиз ўқитиш йўлга қўйилди. Шунингдек, ўқитувчилар малакасини оширишга, уларнинг орасида ўз устида ишлайдиган, таълим беришда ютуқларга эришаётганларини рағбатлантириб бориш тизими йўлга қўйилди. Таълим соҳасида изчил ислоҳотлар олиб борилаётгани туфайли чет тилини мукаммал биладиган ўқувчилар, педагогларга имтиёзлар, малака сертификатлари берилиб, мунтазам рағбатлантириб борилаётир.
Амударё туманида бу борада олиб борилаётган саъй-ҳаракатлар туфайли ўқувчилар орасида хорижий тилларни ўрганишга қизиқиш тобора ортиб бораётир.
7 октябрь куни туманнинг Амир Темур номли овулида жойлашган 4-сонли мактабда ўқувчиларнинг инглиз тилини ўрганишга қизиқишларини янада ошириш мақсадида “Биз – келажак эгаларимиз” деб номланган давра суҳбати ўтказилди. Тадбир ўзбек ва инглиз тилларида бўлиб ўтди. Унда 40-сонли мактабнинг инглиз тилини пухта ўзлаштирган ва асосий фанлар олимпиадаларида муваффақиятли иштирок этган бир гуруҳ ўқувчилари, инглиз тили фани ўқитувчиси Мадина Жуманиёзова, мазкур мактаб ўқитувчилари, ўқувчилари иштирок этдилар.
Тадбирни 4-сонли мактабнинг она тили ва адабиёти фани ўқитувчиси Гавҳар Собирова очди ва ўзаро дўстлик алоқаларини боғлаш, таълим олишда эришаётган ютуқлари ҳақида суҳбатлашиш ва тенгқурларини ҳам инглиз тилини чуқур ўрганишга даъват этиш мақсадида ташриф буюрган ўқувчиларга, уларнинг устозига ва давра суҳбати ташкилотчиси, мазкур мактаб инглиз тили фани ўқитувчиси Барчиной Собировага миннатдорчилик билдирди.
Тадбирда иккала мактаб ўқувчилари давра суҳбати мавзуси юзасидан инглиз тилида ўзаро мулоқотга киришдилар. Албатта, бугунги тезкор замонамизга мос кадрлар бўлиб етишиш, юртимиз равнақига ҳисса қўшиш учун хорижий тилларни ўрганиш жуда муҳим. Бу борада инглиз тилини билиш даражаси бўйича сертификат олишга эришган 40-сонли мактаб ўқувчилари Лайло Камолова, Гулноза Илҳомова, Феруза Ҳайитжонова, Ирода Норбоева, Ҳилола Саъдуллаева, Зарина Хўжабергановалар ўзларининг инглиз тили ўрганишдаги устозларининг фидойиликлари, ота-оналарининг қўллаб-қувватлаганликлари ҳақида, илм олишда машаққатлардан чўчимаслик лозимлиги ҳақида инглиз тилида гапириб бердилар ва тенгдошларини ҳам ушбу тилни чуқур ўрганишга даъват этдилар.
Мадина Жуманиёзованинг касбий фаолиятига доир, шогирдларининг эришаётган ютуқларига доир суҳбатини ўқувчилар ҳам, ўқитувчилар ҳам қизиқиб тингладилар. Таниқли ўқитувчи ўқувчиларни қизиқтирган саволларга ҳам батафсил жавоблар қайтарди.
Давра суҳбати барча иштирокчилар учун эсда қоларли воқеа бўлди.
Ойгул РАЖАБОВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
