НОГИРОНЛИГИ БЎЛГАН ШАХСЛАР ДОИМО ДАВЛАТИМИЗ ЭЪТИБОРИДА
Меҳнатга лаёқатсиз ва ёлғиз кексалар, ногиронлиги бўлган шахслар ҳамда аҳолининг ижтимоий жиҳатдан эҳтиёжманд бошқа тоифаларининг ҳуқуқлари давлат ҳимоясидадир.
Конституциянинг 57-моддасидан.
Орамизда шундай инсонлар борки, уларнинг жисмоний имконияти чекланган, лекин маънавияти юксак, руҳи эса жуда кучли ва матонатли.
Ҳар бир давлат ўз фуқаролари манфаатларини ҳимоя қилади. Айниқса, имконияти чекланган, ногиронлиги бор фуқаролар ҳамиша эътиборда бўлган, қўллаб-қувватланган.
Мазкур йўналишда бош Қомусимизнинг 57-моддасида - меҳнатга лаёқатсиз ва ёлғиз кексалар, ногиронлиги бўлган шахслар ҳамда аҳолининг ижтимоий жиҳатдан эҳтиёжманд бошқа тоифаларининг ҳуқуқлари давлат ҳимоясида эканлиги таъкидланган.
Айтиш жоизки, давлатимиз аҳолининг ижтимоий жиҳатдан эҳтиёжманд тоифаларининг турмуш сифатини оширишга, жамият ва давлат ҳаётида тўлақонли иштирок этиши учун уларга шарт-шароитлар яратишга ҳамда уларнинг асосий ҳаётий эҳтиёжларини мустақил равишда таъминлаш имкониятларини кенгайтиришга қаратилган чораларни амалга ошириб келмоқда.
Давлат ногиронлиги бўлган шахсларнинг ижтимоий, иқтисодий ва маданий соҳалар объектлари ва хизматларидан тўлақонли фойдаланиши учун шарт-шароитлар яратмоқда, уларнинг ишга жойлашишига, таълим олишига кўмаклашмоқда, уларга зарур бўлган ахборотни олиш имкониятини таъминламоқда.
Мазкур модда билан ногиронлиги бўлган шахсларнинг ҳуқуқларини таъминлашнинг асосий принциплари белгилаб берилди. Имконияти чекланган шахсларни ижтимоий ҳимоя қилиш ва уларнинг ҳуқуқларини кафолатлашга оид қатор масалалар Қонун даражасида белгиланди.
Шунингдек, ногиронлиги бўлган шахсларнинг тенглик асосида барча ҳуқуқларини тўлиқ амалга оширишларини рағбатлантириш, ҳимоя қилиш ва таъминлашга қаратилгани билан аҳамиятлидир. У мавжуд шароитлардан фойдаланиш имконияти, шахсий ҳаракатланиш, соғликни сақлаш, таълим, бандлик ва сиёсий ҳаётда иштирок этиш ҳамда тенглик ва камситмаслик каби бир қатор муҳим масалаларни қамраб олади.
Алоҳида қайд этиш керакки, Ўзбекистон Ногиронлар жамияти Амударё туман бўлинмаси томонидан туманда истиқомат қилувчи имконияти чекланган, ногиронлиги бор бўлган инсонларга меҳр-мурувват кўрсатиш, улар ҳаётига оид муаммолар ечимини топишда кўмаклашиш мақсадида тез-тез хонадонларига бориб, ҳолидан хабар олинмоқда.
Имконияти чекланган, ногиронлиги бор болажонлар ўртасида спорт ўйинлари, шашка-шахмат бўйича дўстона мусобақалар ҳам режа асосида ўтказиб борилмоқда.
Шунингдек, саховатпеша инсонлар томонидан кундалик озиқ-овқат маҳсулотлари ёрдам пакетлари туманимизнинг барча ҳудудларидаги имконияти чекланган фуқароларга, ногиронлиги бўлган болажонларга мунтазам равишда етказиб берилмоқда.
Энг муҳими, Қонуннинг 6-моддасида ногиронлик белгисига кўра, камситилишга йўл қўймаслик тамойили акс эттирилган. Унга кўра, ногиронлиги бўлган шахсларга нисбатан ҳар қандай ажратиб қўйиш, истисно этиш, четлатиш, чеклаш ёки афзал кўриш ҳолатлари, шунингдек, ногиронлиги бўлган шахсларнинг объектлар ва хизматлардан фойдаланиши учун шарт-шароитлар яратишни рад этиш таъқиқланади. Бу давлатимизнинг инсонпарварлик, бағрикенглик сиёсатининг амалдаги ифодасидир.
Н.Холбоева,
Ўзбекистон Ногиронлар жамияти Амударё туман бўлинмаси раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
