АМУДАРЁ ТУМАНИНИНГ БОҒ МАҲАЛЛАСИДА МАЪНАВИЙ МУҲИТ АҲВОЛИ ҚАНДАЙ?
Инсон илк тарбияни ўз оиласида олади, бу ҳеч кимга сир эмас. Тарбиянинг асл моҳияти ота-онанинг ўзаро муносабатига ва оиладаги маънавий муҳитга бориб тақалади. Қачонки, ота-она фарзандлари кўз олдида ёлғон сўзламаса, бир-бирига қўпол муомалада бўлмаса, ўзаро меҳр-оқибатли бўлса, фарзандларда ҳам шундай ижобий хислатлар шаклланади. Шу боисдан ҳам уларга оилада, маҳаллада, таълим-тарбия муассасаларида соғлом муҳит яратиш бош вазифадир.
Амударё туманининг “Боғ” маҳалласида бу вазифа қай тарзда адо этилмоқда? amunews.uz веб-сайти таҳририяти ходимлари бу борадаги ишлар билан танишиш мақсадида шу йилнинг 10 январида мазкур маҳаллада бўлдилар.
Туманимизнинг 2-секторига қарашли маҳалланинг умумий майдони 2854 гектарни ташкил этади. Ҳудудда 892 оилада 3658 нафар аҳоли истиқомат қилади. Аҳоли, айниқса ёшларнинг турли диний-экстемистик ва террорчилик оқимлари таъсирига тушиб қолишининг олдини олиш бўйича, ёшлар камоли йўлида амалга оширилаётган ишлар бўйича маҳаллада бўлиб ўтган тадбирда батафсил сўз юритилди.
Олий Мажлис ҳузуридаги нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фондининг “Соғлом муҳит – соғлом ҳаёт” номли грант лойиҳаси доирасида ўтказилган тадбирга маҳалла фуқаролар йиғини масъуллари, фаоллари, нуроний отахонлар, онахонлар, ёшлар иштирок этдилар.
Тадбирни маҳалла фуқаролар йиғини раиси Маҳмуджон Ҳайтаков очди ва йиғилганларга тадбир мақсадини тушунтирди.
Кун тартибидаги мавзу юзасидан amunews.uz веб-сайти мухбири Ойгул Ражабова маъруза қилди. У ўз сўзида ёшларнинг маънавиятини юксалтириш, уларнинг бўш вақтларини мазмунли ўтказиш, мафкура майдонининг турли хуружларидан ҳимоя қилиш, маънавий-руҳий ва интеллектуал салоҳиятини ошириш учун аввало уларга соғлом ҳаёт тарзи барқарор бўлмоғи, ёшларнинг баркамол бўлиб вояга етиши учун оила, маҳалла, кенг жамоатчилик, таълим муассасаси ҳамкорликда ҳаракат қилмоғи лозимлигини таъкидлади.
Маҳалла фуқаролар йиғини хотин-қизлар фаоли Раъно Абдуллаева бу борада амалга оширилаётган ишлар хусусида батафсил гапирди. Таъкидланишича, маҳаллада ижтимоий-маънавий муҳит барқарорлигига салбий таъсир кўрсатувчи ҳолатларнинг содир этилишининг олди олиш, ёшларнинг ёт ғоялар таъсирига тушиб қолишига йўл қўймаслик борасида тизимли ишлар амалга оширилган. Натижада ўтган йилда ёшларнинг турли диний-экстремистик ва террорчилик оқимлари таъсирига тушиб қолиш ҳолатлари содир этилмаган.
Тадбир кун тартибидаги мавзу юзасидан ҳудуд имоми, “Бир нуроний ўн ёшга масъул” тамойили асосида ҳудуднинг турмушда муаммоларга дуч келган 10 нафар ёшларини оталиққа олиб, амалий ёрдамлар кўрсатаётган Қурол Эшчонов, ёшлар етакчиси Азизбек Худановлар ҳам ўз фикр-мулоҳазаларини билдирдилар.
Тадбирда ёшлар камоли йўлида амалга оширилиши лозим бўлган вазифалар ҳам белгилаб олинди.
Севара Исмоилова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
