“ЁШЛАР ВА БИЗНЕСНИ ҚЎЛЛАБ-ҚУВВАТЛАШ ЙИЛИ” ДАВЛАТ ДАСТУРИ ИЖРОСИГА БАҒИШЛАНГАН ТАРҒИБОТ ТАДБИРИ ЎТКАЗИЛДИ

Билимдон, интилувчан ёшларни ҳар томонлама қўллаб-қувватлаш, уларнинг иқтидор ва қобилиятларини юзага чиқаришда зарур шароит ва имкониятлар яратиш мамлакатимизда доимий устувор вазифа саналади ва бу борада қабул қилинаётган Президент Фармон ва Қарорлари, ҳукумат Қарорларининг мазмун-моҳияти ҳам ёшларга оид давлат сиёсатини изчиллик билан амалга оширишга қаратилган.

“Ўзбекистон – 2030 стратегиясини Ёшлар ва бизнесни қўллаб-қувватлаш йилида амалга оширишга оид давлат дастури тўғрисида”ги Президент Фармони ҳам ёшлар тадбиркорлигини ривожлантириш, уларни ҳар томонлама қўллаб-қувватлаш, зарур имтиёзлар, яратиб берилаётган имкониятлардан самарали фойдаланишлари учун шарт-шароитлар яратишга қаратилгани билан ёшлар ҳаётида муҳим аҳамият касб этмоқда. Албатта бу борада ижро ҳокимияти органлари депутатлар ва фаоллар томонидан амалга оширилаётган тарғибот-ташвиқот тадбирларининг ҳам аҳамияти катта.

Манғит шаҳрининг Янгиобод маҳалласи ҳудудидаги 40-сонли умумтаълим мактаби фаоллар залида бўлиб ўтган “Ўзбекистон – 2030 стратегиясини ёшлар ва бизнесни қўллаб-қувватлаш йилида амалга оширишга оид давлат дастури тўғрисида”ги Президент Фармони ва Қорақалпоғистон Республикаси Жўқорғи Кенгесининг 9-сонли Баённомасида белгилаб берилган топшириқлар ижросига бағишланган тарғибот тадбирида ҳам мамлакатимизда, шунингдек, Қорақалпоғистон Республикасида ёшлар ҳаётида юз бераётган ўзгаришлар, муҳим янгиланишлар, ёшлар сиёсати, маънавий-маърифий соҳадаги туб бурилишлар, хусусан, яратилган имкониятлардан унумли фойдаланган ҳолда ёшлар томонидан амалга оширилаётган кенг бунёдкорлик ишлари хусусида сўз юритилди.

Тарғибот тадбирида иштирок этган Қорақалпоғистон Республикаси Жўқорғи Кенгеси депутатлари Қувончбой Боймуратов, 40-сонли мактаб директори, Қорақалпоғистон Халқ ўқитувчиси Санобар Хўжамуродова, “Юсуф Эшон бобо” жомъе масжиди имом-хатиби Абдураҳмон ҳожи Матсапаев, Маънавият ва маърифат маркази Амударё туман бўлими раҳбари Ислом Маткаримов, халқ депутатлари Амударё туман Кенгаши депутати Муқаддас Бекназарова, Фаровон маҳалла фуқаролар йиғини раиси Мадамин Казаковлар “Ёшлар ва бизнесни қўллаб-қувватлаш йили”да амударёлик тадбиркор ёшлар томонидан амалга оширилаётган кенг қамровли, келажакни кўзлаб режалаштирилган истиқболли лойиҳалар хусусида батафсил тўхталдилар.

Айниқса, ўз бизнес-лойиҳаларини амалга ошириш натижасида олис қишлоқлардаги уюшмаган ёшларни иш билан таъминлаётган, турли тоифадаги дафтарларга киритилган ёшларнинг ижтимоий фаоллигини оширишга қаратилган саъй-ҳаракатлар, ёшлар бандлигини таъминлаш, уларнинг касб-корли бўлишларига кўмаклашиш мақсадида тадбиркор ва билимдон ёшлар томонидан ҳаётга татбиқ этилаётган янги-янги лойиҳалар хусусидаги тарғибот-ташвиқот суҳбатлари тадбир иштирокчиларида катта қизиқиш уйғотди.

Тарғибот тадбири давомида Қорақалпоғистон Республикаси Жўқорғи Кенгеси депутати Қувончбой Боймуродов “Ёшлар ва бизнесни қўллаб-қувватлаш йили” давлат дастурида белгиланган кенг қамровли вазифалар ва бу вазифаларни амалга оширишдан кутилаётган натижалар ҳақида батафсил маълумотлар бериб, ёшлар тадбиркорлигини ривожлантириш юзасидан Амударё туманида ишлаб чиқилган режалар бўйича маълумотлар берди. Тадбиркорлик соҳасида юксак натижаларга эришаётган ёшлар ҳақида фахрланиб сўз юритди.

Шунингдек, тарғибот тадбири давомида Жўқорғи Кенгес депутати Санобар Хўжамуродова, “Юсуф Эшон бобо” жомъе масжиди имом хатиби Абдураҳмон Матсапаев, Маънавият ва маърифат маркази Амударё туман бўлими раҳбари Ислом Маткаримов, Халқ депутатлари туман Кенгаши депутати Муқаддас Бекназарова, Фаровон МФЙ раиси Мадамин Казаковлар “Ўзбекистон-2030 стратегиясини Ёшлар ва бизнесни қўллаб-қувватлаш йилида амалга оширишга оид давлат дастури тўғрисида”ги Президент Фармонида белгиланган вазифалар, шунингдек, Қорақалпоғистон Республикаси Жўқорғи Кенгесининг 9-сонли Баённомаси бўйича топшириқлар ижроси юзасидан жойларда амалга оширилаётган ижобий ишлар хусусида сўз юритдилар.

Тарғибот тадбири иштирокчилари масъулларга ўзларини қизиқтирган масалалар бўйича саволлар бердилар ва қониқарли жавоблар олдилар.

Робия ЙЎЛДОШЕВА.