Туман ҳокими тадбиркорлар мурожаатларини тинглади
Ўзбекистон Республикаси Президентининг тадбиркорлар билан очиқ мулоқоти олдидан масъуллар ишбилармонлар билан учрашиб, уларнинг муаммоларини тингламоқда ва таклифларини ўрганмоқда. Амударё туманида ҳам тадбиркорларнинг мурожаат ва таклифларини жамлаш ҳамда таҳлил қилиш мақсадида мутасаддиларнинг шахсий қабуллари уюштирилмоқда. Масъул ходимлар томонидан тумандаги тадбиркорлар билан ҳар куни манзилли учрашувлар ўтказилиб, тадбиркорларнинг муаммолари ва таклифлари ўрганилмоқда.
Амударё тумани ҳокимлигининг мажлислар залида туман ҳокими Собир Хўжаметовнинг тадбиркорлар муаммоларини ўрганиш, ҳал этиш, уларни ҳар томонлама қўллаб-қувватлаш мақсадида тадбиркорлар билан учрашуви ташкил этилиб, унда муаммоли масалалар юзасидан мурожаатлар қабул қилинди. Қабул жараёнида туман ҳокими ўринбосарлари, ҳокимлик масъул ходимлари, бўлимлар бошлиқлари, тижорат банклари масъуллари, овул ва маҳаллалардаги ҳоким ёрдамчилари ҳамда тадбиркорлар иштирок этдилар.
Маълумки, бутун республикамиз бўйлаб, муҳтарам Президентимизнинг тадбиркорлар билан Қорақалпоғистон Республикасида бўлиб ўтадиган очиқ мулоқоти доирасида туман ва шаҳар ҳокимликларида тадбиркорлик субъектларининг мурожаатлари ва таклифларини ўрганиш бўйича сайёр қабуллар, учрашувлар ташкил этилмоқда. Амударё туманида бўлиб ўтган қабул жараёнини туман ҳокими Собир Хўжаметов тадбиркорларга яратилаётган имкониятлар, уларга бўлган эътибор ва ғамхўрлик, олиб борилаётган туб исоҳотлар ҳақида кириш сўзи билан очиб берди.
Таъкидланганидек, мамлакатимизда ишбилармонлик муҳитини янада яхшилаш, тадбиркорликка кенг имкониятлар яратиш борасида бир қатор ишлар амалга оширилмоқда. Муҳтарам Президентимизнинг Қорақалпоғистон Республикасидаги тадбиркорларни қўллаб-қувватлаш борасида имзолаган қарор ҳамда фармонлари бу борада муҳим дастуруламал бўлиб хизмат қилмоқда.
Хусусан, “Қорақалпоғистон Республикасида тадбиркорлик, инновацион технологиялар ва инфратузилмаларни жадал суръатларда ривожлантириш орқали аҳоли фаровонлигини оширишнинг қўшимча чора-тадбирлари тўғрисида”ги ҳамда “Қорақалпоғистон Республикасида тадбиркорларга қулай шароитлар яратишга оид қўшимча чора-тадбирлар тўғрисида”ги Президент фармонлари, шунингдек, “Ўзбекистон Республикаси Президентининг тадбиркорлар билан 2023 йилдаги очиқ мулоқотида белгиланган вазифаларни амалга ошириш чора-тадбирлари тўғрисида”ги ҳамда “Ҳудудларда тадбиркорлик лойиҳаларини молиялаштириш механизмларини янада кенгайтириш чора-тадбирлари тўғрисида” Президент қарорлари асосида тадбиркорлик ривожи янги босқичга кўтарилмоқда.
Амударё туманида ўтказилган қабул жараёнида тадбиркорлар турли масалалар юзасидан туман ҳокимига мурожаат қилдилар. Хусусан, маиший хизмат кўрсатиш бўйича тадбиркорлик фаолиятини янада кенгайтириш учун кредит маблағлари олишда амалий ёрдам бериш, оилавий боғча очиш учун кредит олишдаги муаммоларини ҳал этишда, балиқчилик фаолиятини янада кенгайтириш, дўкон қуриш учун ер олишда, қўшимча бино ажратилишида, кўчма дўкон учун ер олишда амалий ёрдам сўраб қилинган жами 20га яқин мурожаатлар тегишли масъуллар иштирокида чуқур таҳлил қилинди ҳамда уларни ижобий ҳал этиш бўйича топшириқлар берилди.
Маълумот ўрнида айтиш жоизки, тадбиркорларнинг муаммо ва таклифларини бевосита ўрганиш, тадбиркорликни келгусида рибвожлантиришнинг асосий йўналишларини белгилаб олиш бўйича ҳар йили ўтказиладиган Ўзбекистон Республикаси Президентининг тадбиркорлар билан очиқ мулоқотини юқори савияда ўтказиш мақсадида “Ўзбекистон Республикаси президентининг тадбиркорлар билан очиқ мулоқотини ташкил қилиш чора-тадбирлари тўғрисида”ги Президент қарори имзоланган.
Қарорга асосан, Президентнинг тадбиркорлар билан очиқ мулоқотини ташкил қилиш бўйича республика комиссияси, шунингдек, ҳудудларда тадбиркорлар муаммоларини ўрганиш ва ҳал қилиш бўйича ишчи гуруҳлар тузилди.
15 июндан очиқ мулоқот ўтказилгунга қадар махсус электрон платформалар, Савдо-саноат палатаси ҳузуридаги Call-марказ хизмати, ижтимоий тармоқлар ва сайёр қабуллар орқали тадбиркорлар мурожаатларини тун-у кун қабул қилиш тизими йўлга қўйилди. Шунингдек, қарорда Қорақалпоғистон Республикасида 2024 йилнинг августида халқаро бизнес форум ҳам ўтказилиши белгиланган. Айни пайда республикада очиқ мулоқот ва бизнес форумга тайёргарлик жараёнлари қизғин паллага кирган.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
