AMUDARYo TUMANIDA "YaNGI OʻZBEKISTON" MASSIVI QURILIShI JADAL SURʼATLARDA OLIB BORILMOQDA
Mamlakatimizda aholining zamonaviy shart-sharoitlarga ega uy-joylar bilan taʼminlanishini yaxshilash, hududlarda rivojlangan shaharsozlik talablari asosidagi koʻp qavatli uy-joylar, ijtimoiy soha va infratuzilma obʼektlari, shuningdek, muhandislik-kommunikatsiya tarmoqlari qurilishini jadallashtirish, yer resurslaridan oqilona foydalanish hamda aholi punktlarining urbanizatsiya jarayonlarini rivojlantirish maqsadida muhtaram Prezidentimiz tomonidan 2021-yilda "Yangi Oʻzbekiston" massivlarini qurish va hududlarning ijtimoiy-iqtisodiy rivojlanishini taʼminlash chora-tadbirlari toʻgʻrisida" tarixiy Farmon qabul qilingan edi. Ushbu Farmonga asosan mamlakatimizning barcha hududlarida, shu jumladan, Amudaryo tumanida ham "Yangi Oʻzbekiston" massivi qurilishi uchun yer ajratilib, ayni paytda hududda uy-joylar qurilishi jadal surʼatlarda olib borilmoqda.
Mangʻit shahrining Doʻstlik mahallasi hududida joriy yilda har biri 5 qavatli boʻlgan 6ta koʻp qavatli uylar qurilishi rejalashtirilgan boʻlib, har biri 30-35ta, jami 185ta xonadonga moʻljallangan turur joylar qurilishida tumandagi 8ta qurilish tashkilotlari quruvchilari faoliyat olib borishmoqda.
Qad rostlayotgan "Yangi Oʻzbekiston" massivi hududida bozor infratuzilmasi obʼektlari, aholi dam olish maskani, savdo va maishiy xizmat koʻrsatish obʼektlari qurilishi ham rejalashtirilgan.
Shuni alohida taʼkidlash joizki, massiv qurilishining Bosh rejasiga koʻra, keyingi yillarda mazkur hududda jami 65ta koʻp qavatli turar joy binolari bunyod etiladi va uylarning tomiga quyosh panellari oʻrnatilib, ulardagi xonadonlar soni 2100taga yetkaziladi. Bu "Yangi Oʻzbekiston massivida kelgusida 10 mingdan ortiq aholini zamonaviy sharoitlarga ega uy-joy bilan taʼminlash imkonini beradi.
Robiya Yoʻldosheva.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
