Amudaryo tumani “Inson” ijtimoiy xizmatlar markazi tomonidan “Insonga xizmat – oliy qadriyat” shiori ostida kouching tadbiri oʻtkazildi
Mamlakatimizda inson omiliga eʼtibor, uning hayotdan rozi yashashini taʼminlash, turmush sharoitini yaxshilash, ayniqsa, davlat xizmatlaridan samarali foydalanishlariga koʻmaklashish maqsadida huquqiy savodxonligini oshirishga qaratilgan chora-tadbirlar tufayli fuqarolar hayotiga doir ijtimoiy muammolarga oʻz vaqtida huquqiy yechim topish imkoni yaratilmoqda.
29-mart kuni Oʻzbekiston Mahallalari uyushmasi Amudaryo tumani boʻlimi binosida tuman “Inson” ijtimoiy xizmatlar markazi tomonidan “Insonga xizmat – oliy qadriyat” shiori ostida tashkillashtirilgan, fuqarolarning huquqiy savodxonligini oshirishga qaratilgan kouching dasturida ham inson qadr-qimmatini hamisha baland tutish, ogʻir ijtimoiy vaziyatga tushib qolgan fuqarolarni har tomonlama qoʻllab-quvvatlash, huquqiy masalalarda ekspert-maslahatchi va psixologlar yordamlarini tashkil etish masalalari atroflicha muhokama qilindi.
Tadbirda Amudaryo tumani mahallalarida istiqomat qiluvchi ijtimoiy va huquqiy yordamga muhtoj fuqarolar hamda ijtimoiy xizmat xodimlari ishtirok etdilar. “Inson” ijtimoiy xizmatlar markazi direktori Gʻulomjon Duysenboyev va markaz mutaxassislari ishtirokchilarga markaz va ijtimoiy xodimlar tomonidan koʻrsatiladigan xizmatlar turi, aholini qiynab kelayotgan mavjud ijtimoiy muammolarga huquqiy yechimlar topish borasida amalga oshirilayotgan ishlar toʻgʻrisida batafsil maʼlumotlar va tushunchalar taqdim etishdi.
Tadbir davomida ishtirokchilar oʻzlarini qiziqtirgan savollarga javoblar olib, markaz faoliyati va shu kungacha amalga oshirgan ishlar bilan ham yaqindan tanishdilar. Xususan, katta yoshdagilar va ogʻir ijtimoiy vaziyatga tushib qolgan oilalar bilan ishlash shuʼbasi bosh mutaxassisi Rahmonjon Bobojonov, nogironligi boʻlgan shaxslar bilan ishlash shuʼbasi mudiri Murodjon Boltayevlar tomonidan 2024-yil davomida ijtimoiy himoyaga va alohida parvarishga muhtoj, nogironligi boʻlgan fuqarolarga koʻrsatilgan amaliy va huquqiy yordamlar haqidagi maʼlumotlarga ega boʻldilar.
Shundan soʻng ijtimoiy toʻlovlar shuʼbasi faoliyati boʻyicha bosh mutaxassis Sirojiddin Jumaboyev, mahallada ijtimoiy xizmatlarni tashkil etish shuʼbasi mudiri, bosh ijtimoiy xodim Bahriddin Turaboyevlar oʻz faoliyatlari davomida amalga oshirgan ishlari toʻgʻrisida tadbir ishtirokchilariga batafsil maʼlumot berib, 2025-yil uchun belgilangan rejalar, koʻrsatiladigan ijtimoiy va huquqiy xizmatlar xususida alohida toʻxtalib oʻtdilar.
Kouching tadbir davomida “Inson” ijtimoiy xizmatlar markazi mutaxassislari tomonidan bolalarni ijtimoiy himoya qilish shuʼbasi, huquqiy masalalarda ekspert-maslahatchi xizmati, psixologlar hamda markaz operatorlari faoliyati toʻgʻrisida ham zarur tushunchalar taqdim etilib, bu borada amalga oshirilgan ishlar yuzasidan batafsil maʼlumotlar berildi.
Tadbir yakunida Amudaryo tuman “Inson” ijtimoiy xizmatlar markazi direktori Gʻulomjon Duysenboyev oʻtgan 2024-yil davomida samarali faoliyat olib borgan mahalla faollariga esdalik sovgʻalari topshirdi va minnatdorchilik bildirdi.
ROBIYa YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
