DEPUTAT AMUDARYo TUMANIDA BOʻLIB, MAHALLIY KENGASh VAKILLARI BILAN UChRAShDI
Oliy Majlis Qonunchilik palatasidagi Oʻzbekiston "Adolat" sotsial-demokratik partiyasi fraktsiyasining aʼzosi Nodira Rashidova Qoraqalpogʻiston Respublikasi Amudaryo tumaniga tashrif buyurib, joriy yilning 27-noyabr sanasida xalq bilan yuzma-yuz muloqot qilish orqali ularning muammo va takliflarini eshitish, shuningdek, hududda amalga oshirilayotgan islohotlar va yangiliklar bilan tanishish maqsadida tuman hokimligi binosida mahalliy Kengash vakillari bilan uchrashuv oʻtkazdi.
Uchrashuv jarayonida Nodira Rashidova mamlakatimizda, ayniqsa, Qoraqalpogʻiston Respublikasida amalga oshirilayotgan ijtimoiy-iqtisodiy islohotlar, xususan, quyidagi yoʻnalishlarda olib borilayotgan keng qamrovli ishlarga alohida toʻxtaldi:
- Taʼlim va sogʻliqni saqlash tizimini rivojlantirish.
- Yoʻl va infratuzilmani rivojlantirish.
- Aholini tadbirkorlikka keng jalb qilish va ularni qoʻllab-quvvatlash.
Shuningdek, davlatimiz rahbarining tashabbusi bilan qabul qilingan qonunlar, farmon va qarorlarning hamda Orolboʻyi aholisi manfaatlari, turmush farovonligini yanada oshirish uchun joriy etilgan Davlat dasturlarining mazmun-mohiyatiga eʼtibor qaratdi.
Uchrashuv davomida Amudaryo tumani aholisi hayotiga doir dolzarb masalalar, xususan:
- "Yashil iqtisodiyot" tamoyillarini hayotga keng joriy etish.
- Obodonlashtirish va koʻkalamzorlashtirish chora-tadbirlari.
- Yosh avlodni har tomonlama barkamol insonlar qilib tarbiyalashga qaratilgan loyihalar hamda kelgusidagi rejalar batafsil muhokama qilindi.
- Shu bilan birga tomonlar oʻzaro fikr almashib, taklif va mulohazalarini bildirdilar.
Uchrashuvda taʼkidlanganidek, xalq bilan uchrashish, fuqarolarning tashvishlarini tinglash, muammolariga birgalikda yechim topish va ularni qoʻllab-quvvatlash orqali turmush darajasini oshirish yoʻlida xizmat qilish, xalq ishonchini qozonish deputatlarning zimmalaridagi masʼuliyatli burchidir.
Oliy Majlis Qonunchilik palatasidagi Oʻzbekiston sotsial-demokratik partiyasi fraktsiyasi aʼzosi Nodira Rashidovaning Amudaryo tumaniga tashrifidan koʻzlangan maqsad ham ana shu burch masʼuliyatini chuqur anglagan holda xalq bilan oshkora va samimiy muloqotda boʻlish, ularning muammo va tashvishlarini tinglab, zarur yordamlar taqdim etishga qaratilgani bilan muhim ahamiyatga ega boʻldi.
Uchrashuv konstruktiv ruhda, oshkora muloqot tarzida oʻtdi va kelgusida mahalliy Kengash vakillari bilan hamkorlikni yanada kuchaytirishga kelishib olindi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
