Tuman hokimi yoshlar bilan ochiq muloqot oʻtkazdi
Amudaryo tumanida yoshlar bilan ishlash, ularning muammo va tashabbuslarini qoʻllab-quvvatlash, jamiyat hayotidagi faolligini oshirish maqsadida navbatdagi ochiq muloqot tashkil etildi. Tuman hokimi Sobir Xoʻjametov boshchiligida oʻtkazilgan mazkur uchrashuv samimiy ruhda, ochiq va samimiy muloqot maydoniga aylandi.
Uchrashuvda Davlat xavfsizlik xizmati tuman boʻlimi boshligʻi, tuman prokurori Bahram Masharipov, tuman Ichki ishlar boʻlimi boshligʻi Timur Doshumboayev, tuman hokimi oʻrinbosari Nodirbek Kamolov, tuman Yoshlar ishlari boʻlimi masʼullari, mahallalardagi yoshlar yetakchilari hamda turli sohalarda faoliyat yuritayotgan ilgʻor va tashabbuskor yoshlar ishtirok etdi.
Ochiq muloqot davomida tumanimizda yoshlar siyosati doirasida yil mobaynida amalga oshirilgan ishlar atroflicha tahlil qilindi. Soʻzga chiqqan rahbarlar soʻnggi yillarda mamlakatimizda yoshlar masalasiga davlat siyosati darajasida yondashilayotgani, bu borada mislsiz islohotlar amalga oshirilayotgani, ayniqsa, Amudaryo tumanida ushbu islohotlarning hayotga tatbiq etilishiga alohida eʼtibor qaratilayotganini taʼkidlab oʻtdilar. Yoshlarning taʼlim olishi, kasb-hunar egallashi, tadbirkorlik bilan shugʻullanishi, bandligini taʼminlash hamda ijtimoiy faolligini oshirish borasida izchil ishlar olib borilayotgani qayd etildi.
Tadbir davomida sohada samarali faoliyat olib borayotgan bir guruh yoshlar yetakchilari tuman hokimligi hamda Davlat xavfsizlik xizmati tuman boʻlimi tomonidan tashakkurnomalar va qimmatbaho esdalik sovgʻalari bilan taqdirlandi. Bu eʼtirof yoshlar uchun yanada katta ragʻbat va masʼuliyat ekanligi taʼkidlandi.
Ochiq muloqotning eng muhim jihatlaridan biri — yoshlarning oʻz taklif va tashabbuslari, fikr-mulohazalarini bevosita rahbarlarga yetkazish imkoniyatiga ega boʻlganidir. Yaratilayotgan shart-sharoitlardan samarali foydalanib kelayotgan yosh tadbirkorlar, yosh fermerlar, yosh ijodkorlar soʻzga chiqib, davlat tomonidan koʻrsatilayotgan eʼtibor va qoʻllab-quvvatlashlar uchun minnatdorchilik bildirdilar hamda kelgusidagi rejalarini oʻrtoqlashdilar.
Uchrashuv doirasida tuman Madaniyat boʻlimi xonandalari tomonidan ijro etilgan kuy-qoʻshiqlar tadbirga yanada koʻtarinki, bayramona ruh bagʻishladi.
Tadbir yakunida rahbarlar tomonidan Amudaryo yoshlarining kuch-gʻayrati, tashabbuskorligi va intilishlari kelgusida yana koʻplab yutuqlarga zamin yaratishiga ishonch bildirildi. Mazkur ochiq muloqot yoshlar va rahbarlar oʻrtasidagi oʻzaro ishonchni mustahkamlash, yoshlarning jamiyat hayotidagi faolligini yanada oshirish, ularni yurt taraqqiyotiga daxldorlik ruhida tarbiyalash yoʻlidagi muhim qadamlardan biri boʻldi.
Charos Arslonova, tuman hokimligining Axborot xizmati rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
