ShIFOKORLAR SUVGA ChOʻKKAN, IKKI YoShGA YeTMAGAN GOʻDAK HAYoTINI SAQLAB QOLIShDI
Farzand – har bir insonga Alloh tomonidan berilgan bebaho neʼmat. Bu baxtga musharraf boʻlgan ona ham, ota ham oʻz farzandini goʻdakligidan asrab-avaylab, aqlan yetuk, jismonan sogʻlom inson qilib voyaga yetkazishga harakat qiladi. Tunu-kunlarini bedor oʻtkazib, borligʻidan ham kechib, ezgu niyatlar, katta orzular, cheksiz havaslarga toʻlib ulgʻaytiradi.
Kuyuk koʻpir ovulidagi Jahongir Xoʻjanov va Gulasal Koʻklanovalarning xonadonidan voyaga yetayotgan jajji Dostonbek ham kundan-kunga koʻzga koʻrinib, oila quvonchiga aylandi. Yaratgan ato etgan bu neʼmat bilan baxti bekam boʻlgan ota-ona shunday kunlarning birida hayotning ogʻir sinovidan oʻtishdi.
Shu yil 5-aprel kuni ertalabki soat 10 larda hali 2 yoshga ham yetmagan Dostonbekning atrofda koʻrinmay qolganini darhol payqagan oiladagilar izlay-izlay uni ariqdagi suvdan topishdi. Tanasida hayot asoratlari deyarli qolmagan goʻdakni ota-ona umid va ilinj bilan, shifokorlardan najot kutib, darhol Kuyuk koʻpir ovulidagi 5-oilaviy poliklinikaga olib kelishdi. Tibbiyot muassasasidagi oila shifokori Jamshid Abdurahmonov ota-onasining qoʻlida jonsiz kelgan Dostonbekka kechiktirmasdan birinchi tibbiy yordam choralarini qoʻlladi va tuman markazidan Tez tibbiy yordamni chaqirdi.
Zudlik bilan yetib kelgan reanimatsion brigada shifokori Ikrom Sariboyev bilan suvga choʻkish, nafas yoʻllari aspiratsiyasi, ogʻir darajali asfiktsiya, oʻtkir yurak-qon tomir va nafas yetishmovchiligi, klinik oʻlimdan keyingi holatda kelgan bolani tuman Tibbiyot birlashmasi bolalar reanimatsiya boʻlimiga olib kelishdi.
Boʻlimda tajribali shifokor, boʻlim mudir E.Xidirov, shifokorlar E.Abilova, N.Bozorboyeva, Birlashma boshligʻi oʻrinbosarlari G.Yusupova, Z.Oʻrozboyevlarning toʻgʻri taktik harakatlari va oʻz vaqtida amalga oshirilgan, koʻrsatilgan yuqori malakali tibbiy yordami natijasida bemor qayta hayotga qaytarildi.
6-aprel kuni jajji Dostonbekning ahvoli ancha yaxshilandi va ota-onasining bagʻriga qaytarildi.
J. Yavqashev, TTB shifokori.
(Illyustrativ foto)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
