TIBBIYoT BIRLAShMASIDA «BIZ TAMAKISIZ HUDUDNI TANLAYMIZ» ShIORI OSTIDA TADBIRLAR OʻTKAZILDI
Prezidentimizning 2020-yil 30-oktyabrdagi Sogʻlom turmush tarzini hayotga keng tadbiq etish va ommaviy sportni yanada rivojlantirish chora-tadbirlari toʻgʻrisidagi Farmonida belgilangan vazifalarni ijro etish maqsadida va Qoraqalpogʻiston Sogʻliqni saqlash vazirligining tegishli topshirigʻiga koʻra zararli odatlarga qarshi kurash oyligi tashkil etildi. Oylik doirasidagi «Biz yoshlar zararli odatlarga qarshimiz» haftaligida Tibbiyot birlashma ishchi-xodimlari ishtirokida «Biz tamakisiz hududni tanlaymiz» shiori ostida nafas gimnastika mashqlari, ommaviy yurish tadbirlari, “Biz tamakisiz hududni tanlaymiz” deklaratsiyasini qoʻllab-quvvatlash uchun imzolarni toʻplash stantsiyasi boʻlib oʻtdi.
Mangʻit Dehqon bozori hududida antrapometrik oʻlchovlarni oʻtkazish, semizlik darajasi va vazn indeksini aniqlash hamda natijalaridan kelib chiqib, tushuntirish ishlarinii olib boruvchi salomatlik maydonchasi stantsiyasi hamda 1-sonli maktabgacha taʼlim tashkilotida toʻgʻri ovqatlanish tamoyillariga rioya qilish tavsiyalarini berish boʻyicha sogʻlom ovqatlanish yarmarka stantsiyasi tashkil qilindi.
Tibbiyot birlashmasining sport targʻibotchisi I.Nurimbetov, shifokorlardan M.Ernazarov, T.Saidovalar tadbir ishtirokchilariga ertalabki badantarbiya, gimnastika va faol yurish mehnat qobiliyatini, salomatligini saqlab qolmoqchi boʻlgan, chinakam va shodon hayot kechirishni xohlagan har bir odamning kundalik turmushdan mustahkam oʻrin olmogʻi lozimligi toʻgʻrisida tushunchalar berildi. Shu bilan birga sogʻlom ovqatlanish, tarkibida tuz, qand va xamirli taomlarni meʼyoridan ortiqcha isteʼmol qilmaslik, zararli odatlarga berilmaslik tamaki, nos kabi illatlardan yiroq boʻlish, ularning inson organizmiga salbiy taʼsiri, yurak-qon tomir tizimi kasalliklaridan insult, infarkt, qandli diabet, ortiqcha vazn kabi omillar paydo boʻlishi, ogʻir xastaliklarga olib kelishi batafsil misollar bilan tushuntirildi.
Tadbirda ishtirok etgan 200 nafarga yaqin fuqarolar oʻzlarini qiziqtirgan savollarga batafsil javoblar oldilar va salomatlikni asrash toʻgʻrisidagi qiziqarli maʼlumotlarga ega boʻldilar.
J. Yavkashev, ASTTQQ va JFO markazi boʻlimi mudiri.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
