Gulzor mahalla fuqarolar yigʻinida INNOWOMENWEEK haftaligi doirasida “Business womenuz” oʻquv mashgʻulotlari oʻtkazildi

Amudaryo tumani xokimligi, Amudaryo tuman Mahalla va oilani qoʻllab-quvvatlash boʻlimi, Amudaryo tuman Axoli bandligiga koʻmaklashish markazi, Savdo-sanoat palatasi Amudaryo tuman filiali, “Tadbirkor ayol” Oʻzbekiston ishbilarmon ayollar assotsiatsiyasi tuman boʻlinmasi, Qoraqalpogʻiston Respublikasi xotin-qizlar tadbirkorlik markazi, “Hunarmand uyushmasi” Amudaryo tuman boʻlimi hamkorligida Amudaryo tumani Gulzor mahalla fuqarolar yigʻinida INNOWOMENWEEK - haftaligi “business womenuz” oʻquv mashgʻulotlari oʻtkazildi.

Amudaryo tumani xotin-qizlarining innovatsion tadbirkorlik haftaligini oʻtkazishdan asosiy maqsad:

– bandligi taʼminlanmagan, imkoniyati cheklangan, ijtimoiy himoyaga muhtoj xotin-qizlarning bandligini taʼminlash hamda ularni oʻz qiziqishiga qarab kasb-xunarga yoʻnaltirish;

– xotin-qizlarni tadbirkorlik, xunarmandchilik hamda fermerlik faoliyatiga keng jalb qilish va ularning oʻziga boʻlgan ishonchini orttirish; – xotin-qizlarning oʻz biznes gʻoya va loyihalarini amalga oshirishlariga koʻmaklashish;

– xotin-qizlarning tadbirkorlik faoliyatiga innovatsion yondashuvni joriy qilish;

– xotin-qizlar tomonidan amalga oshirilishi rejalashtirilayotgan biznes gʻoya va loyihalarning asosiy yoʻnalishlari, holati va darajalarini aniqlash;

– xotin-qizlarni izlanishlari va mehnatlarini samarali amalga oshirishlarida har tomonlama qoʻllab-quvvatlash, xaq-huquqlarini himoya qilish, psixologik yordam koʻrsatish, tegishli bilim va maslahatlar berish;

– tadbirkor va hunarmand ayollarni yaratgan maxsulotlariga tovar belgilari olishlarida koʻmaklashish;

– xotin-qizlar ishlab chiqarayotgan mahsulotlarining raqobatdoshligini va sifatini oshirish boʻyicha maslaxatlar berish hamda targʻib qilishdan iboratdir.

Gulzor mahalla fuqarolar yigʻinida yashovchi fuqaro Avezmetova Nargizaning xonadonida Gulzor, Navoiy, Oybek mahallalaridan “Ayollar daftari”dagi ishsiz toifasidagi 11 nafar ayol-qizlar Boʻston MFYdan Haytboyeva Xurshida, Ermanova Umida, Yesemuratova Zulxumor, Imamkulova Aqljon, Oybek MFYdan Quryazova Shirin, Sobirova Guliston, Yerdasheva Iroda, Gulzor MFYdan Allambergenova Nargiza, Atajanova Bibijon, Kamalova Barno, Tleumuratova Gulshod qatnashdi. Mashgʻulot ishtirokchilariga Gulchilik va gul koʻchatlarini ekish boʻyicha oʻrganishdi. 2021-yil 29-may kuni oʻquv mashgʻulot ishtirokchilariga sertifikatlar berildi.

Xotin-qizlarning oʻz isteʼdodlarini namoyon qilishlariga imkoniyat yaratish maqsadida Amudaryo tumani mahalla va oilani qoʻllab-quvvatlash boʻlimi va hamkor tashkilotlar bilan birgalikda yil davomida malaka oshirish kurslari, kasb-hunarga yoʻnaltirilgan kurslar va mahorat darslari tashkil qilib borish ishlari davom ettiriladi.

Tadbirda haftalik doirasida amalga oshirilgan ishlar va start berilgan oʻquv kurslari samaradorligi tahlil qilinadi.

Xotin-qizlar jamoatchilik kengash aʼzolari bilan davra suhbati tashkil qilindi, haftalik doirasida oʻtkazilgan tadbirkorlikni boshlashga yoʻnaltirilgan oʻquv kurslarini muvaffaqiyatli yakunlagan xotin-qizlar sertifikatlar bilan taqdirlandi.

Xotin-qizlar tadbirkorlik markazi tomonidan tashkil etilgan oʻquv kurslarida oʻqib sertifikat olgan xotin-qizlarga oʻz tadbirkorligini yoʻlga quyish uchun imtiyozli kreditlar beriladi.

Muqaddas Beknazarova, Amudaryo tumani Mahalla va oilani qoʻllab-quvvatlash boʻlimi boshligʻining birinchi oʻrinbosari.