Tadbirkorlik sohasidagi islohotlar ijrosiga bagʻishlangan yigʻilish boʻlib oʻtdi
Soʻnggi yillarda mamlakatimizda fuqarolarning huquq va qonuniy manfaatlari himoya qilinishini taʼminlash, ijtimoiy-iqtisodiy islohotlarni jadal surʼatlarda amalga oshirishga qaratilgan tadbirkorlik subektlarining mulkiy huquqlari himoyasini kuchaytirish, odil sudlov sifat va samaradorligini oshirish boʻyicha muhim islohotlar amalga oshirilmoqda.
Joylarda bu boradagi izchil islohotlar ijrosini taʼminlash boʻyicha amalga oshirilayotgan ishlarni yangi bosqichga koʻtarish, yoʻl qoʻyilayotgan kamchiliklarni bartaraf qilish boʻyicha nazoratni kuchaytirishga alohida eʼtibor qaratilmoqda.
Joriy yilning 19-oktyabr sanasida Amudaryo tuman hokimligining majlislar zalida oʻtkazilgan yigʻilish ham shu maqsadga qaratildi. Tuman Adliya boʻlimi tomonidan tashkil etilgan yigʻilish mamlakatimizda tadbirkorlik sohasini yanada rivojlantirish borasida olib borilayotgan tizimli islohotlarning ijrosini taʼminlashda yoʻl qoʻyilayotgan kamchiliklar atroflicha tahlil qilinib, ularni oʻz vaqtida va samarali bartaraf etish masalalari oʻrganildi.
Yigʻilishda tuman Adliya boʻlimi boshligʻi Moʻminjon Matyusupov soʻzga chiqib, yurtimizda tadbirkorlik subektlarini har tomonlama qoʻllab-quvvatlashga alohida eʼtibor qaratilayotgani, ularning samarali faoliyat yuritishlari uchun keng imkoniyat hamda shart-sharoitlar yaratilayotgani xususida toʻxtaldi.
Taʼkidlanganidek, mamlakatimizda davlatimiz rahbari tashabbusi bilan tadbirkorlik sohasi yanada rivojlantirilmoqda. Prezident Shavkat Mirziyoyev mamlakatimiz tadbirkorlari bilan ochiq muloqot shaklidagi uchrashuvida tadbirkorlarni eng koʻp qiynayotgan muammolardan biri yer masalasi ekanligini, ushbu yoʻnalishda katta islohotlar yoʻlga qoʻyilganini qayd etdi. Xususan, yerlar ikki toifaga, yaʼni qishloq xoʻjaligi yerlari hamda qishloq xoʻjaligiga kirmaydigan yerlarga ajratilgani, qishloq xoʻjaligiga kirmaydigan yer maydonlari faqat va faqat ochiq-oshkora auktsion orqali xususiy mulk sifatida sotilishi yoki ijaraga berilishi tartibi joriy etilganini taʼkidladi.
Shuningdek, soʻnggi besh yilda tadbirkorlik sohasini rivojlantirishga qaratilgan 2 mingga yaqin qonun, farmon va qarorlar qabul qilingani davlatimiz rahbarining ushbu sohaga davlat siyosatining ustuvor yoʻnalishi sifatida eʼtibor qaratayotganidan dalolat beradi.
Yigʻilish mobaynida soʻzga chiqqanlar sohadagi qonun hujjatlari ijrosini taʼminlash yangi bosqichga koʻtarialayotgani, odil sudlov, inson qadr-qimmati va huquqlari oliy qadriyat sifatida sud-huquq sohasidagi islohotlar asosiy mazmuni boʻlib qoʻlishi, bunda avvalo, mansabdor shaxslarning qarorlari ustidan berilgan shikoatlarini koʻrib chiqish tizimi takomillashtirilayotganini alohida taʼkidladilar.
Tuman hokimligining Axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
