MEHR-MURUVVAT OYLIGI MUNOSABATI BILAN TADBIR OʻTKAZILDI
Joriy yilning 30-noyabridan 30-dekabriga qadar mamlakatimizda “Mehr-muruvvat oyligi” deb eʼlon qilindi. Ushbu oylik doirasida imkoniyati cheklangan insonlarni tibbiy-ijtimoiy reabilitatsiya qilish, ularning jamiyatga integratsiyasini jadallashtirish, haq-huquqlarini himoya qilish, ushbu mavzularga bagʻishlangan ilmiy-amaliy seminarlar, davra suhbatlari oʻtkazilishi belgilangan.
Oylik davomida nogironligi boʻlgan shaxslarni ijtimoiy qoʻllab-quvvatlashga alohida eʼtibor qaratiladi. Amudaryo tumanida ham imkoniyati cheklangan insonlarga har tomonlama koʻmak berish, ularning yashash, mehnat qilish, oʻz qobiyatlarini nomoyish etishga qulay shart-sharoitlar yaratish borasida koʻplab amaliy ishlar qilinayotir.
18-dekabr kuni oylik munosabati bilan Amudaryo muhandislik texnikumida ham tumandagi Nogironlar jamiyati aʼzolari ishtirokida “Oʻz huquqlaringizni bilasizmi?” deb nomlangan davra suhbati boʻlib oʻtdi. Unda tuman hokimligi, Mahalla va oilani qoʻllab-quvvatlash boʻlimi, Adliya boʻlimi, Yoshlar ishlari agentligi va boshqa tashkilotlar vakillari qatnashdilar.
Tadbirda tuman Adliya boʻlimi boshligʻi M.Matyusupov nogironligi boʻlgan shaxslarning talim olish, davolanish, mehnat qilish borasidagi xuquqlari 2020-yil 15-oktyabr kuni qabul qilingan Oʻzbekiston Respublikasining “Nogironligi boʻlgan shaxslarning huquqlari toʻgʻrisida” gi Qonunida oʻz ifodasini topganligini tushuntirib oʻtdi. Shuningdek, soʻzga chiqqan boshqa masʼullar ham davlatimiz tomonidan nogironligi boʻlgan shaxslarni qoʻllab-quvvatlash borasida amalga oshirilayotgan chora-tadbirlar xususida soʻz yuritdilar.
Tadbir yakunida ishtirokchilarga kirib kelayotgan yangi yil munosabati bilan sovgʻalar ulashildi.
Fotima Eshimbetova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
